نئی دہلی،08؍اپریل:(اردودنیا.اِن/ایجنسیاں) دہلی پولیس کے اسپیشل سیل نے اسلحہ فراہم کرنے والے بابو وسیم Babu Wasim کو 2 سال بعد گرفتار کیا ہے۔ جس نے شمال مشرقی دہلی میں فسادات کے لیے شاہ رخ پٹھان Pathan, کو پستول فراہم کیا تھا۔ شاہ رخ پٹھان کا ایک ویڈیو وائرل ہوا، جس میں انہیں پولیس اہلکار پر پستول لہراتے ہوئے دیکھا جا سکتا ہے۔
بابو وسیم کو عدالت نے مفرور قرار دے دیا تھا۔ اسپیشل سیل کے ڈی سی پی جسمیت سنگھ کے مطابق انسپکٹر شیوکمار اور انسپکٹر جتیندر ماوی نے اے سی پی اتر سنگھ کی نگرانی میں 7 اپریل کو طاہر پور علاقے سے بابو وسیم کو گرفتار کیا۔بابو وسیم اصل میں میرٹھ کا رہنے والا ہے، گرفتاری کے وقت اس کے پاس سے ایک پستول اور 5 کارتوس بھی برآمد ہوئے تھے۔
گرفتار وسیم شاہ رخ خان عرف پٹھان کے ایک معاملے میں مطلوب تھا، شاہ رخ نے 2020 میں جعفرآباد کے علاقے میں شمال مشرقی دہلی کے فسادات کے دوران ڈیوٹی پر موجود ایک پولیس اہلکار کی طرف پستول سے اشارہ کیا۔ اس معاملے میں گرفتاری سے بچنے کے لیے ویڈیو وائرل ہونے کے بعد بابو وسیم فرار ہو گیا۔
اسی وقت زیریں عدالت نے 16 مارچ 2021 کو اسے معاملے میں انہیں مفرور قرار دیا تھا۔اسپیشل سیل کو یہ اطلاع مل رہی تھی کہ بابو وسیم دہلی-این سی آر اور مغربی یوپی کے اس سے ملحقہ علاقوں میں جمنا کے اس پار بار بار آتا جاتا ہے۔
7 اپریل کو بابو شام 6 بجے سے 7 بجے تک کسی سے ملنے وسیم کے طاہر پور دہلی آیا، تبھی اسے جال بچھا کر گرفتار کر لیا گیا۔ پولیس کے مطابق گرفتار بابو وسیم ایک بدنام زمانہ اسلحہ فراہم کرنے والا ہے، جس نے گزشتہ 10 سالوں کے دوران مغربی یوپی اور دہلی این سی آر میں کئی بدنام زمانہ غنڈوں اور مجرموں کو اسلحہ فراہم کرنے کا اعتراف کیا ہے۔
نیز اس نے شمال مشرقی دہلی فسادات سے پہلے شاہ رخ خان عرف پٹھان کو پستول سپلائی کرنے کا اعتراف کیا ہے۔ اس نے بدنام زمانہ عرفان عرف چھانو پہلوان گینگ کے ارکان کو اسلحہ اور کارتوس فراہم کرنے کا بھی انکشاف کیا ہے۔
