نئی دہلی، 2 مئی :(اردودنیا.اِن/ایجنسیاں) دہلی ہائی کورٹ نے پیر کو نظام الدین مرکز کے کچھ حصوں کو 14 اکتوبر تک کھلا رکھنے کی اجازت دی۔ کووڈ19 کی وبا کے درمیان مارچ 2020 میں مرکز میں ہی تبلیغی جماعت کا اجتماع ہوا تھا اور تب سے یہ بند ہے۔دہلی وقف بورڈ کی درخواست پر جسٹس جسمیت سنگھ نے رمضان اور عید کے موقع پر مرکز کے احاطے کے کچھ حصوں کو دوبارہ کھولنے کے سلسلے میں گزشتہ ماہ جاری کردہ عبوری حکم میں توسیع کردی۔ب
ورڈ نے 2021 میں اس بنیاد پر احاطے کو دوبارہ کھولنے کی ہدایت مانگتے ہوئے عدالت سے رجوع کیا تھا کہ انلاک 1 کے رہنما خطوط نے ممنوعہ علاقوں سے باہر مذہبی مقامات کو کھولنے کی اجازت دینے کے بعد بھی مرکز کو بند رکھا گیا، جہاں ایک بنگلہ والی مسجد ، مدرسہ کاشف العلوم اور اس سے ملحقہ ہاسٹل ہے۔عدالت نے یکم اپریل کو مسجد کو رمضان کے مہینے کیلئے کھولنے کی اجازت دی تھی اور واضح کیا تھا کہ احاطے میں کوئی تبلیغی سرگرمی اور لیکچر نہیں ہو سکتے اور صرف نماز ہو سکتی ہے۔
