ہزارے ٹرافی کھیلی جائے گی ، 87 سال میں پہلی باررنجی ٹرافی نہیں
نئی دہلی : (اردودنیا.اِن) 87 سال میں پہلی بار ہندوستانی کرکٹ بورڈ اپنے اہم فرسٹ کلاس ڈومیسٹک ٹورنامنٹ رنجی ٹرافی کی انعقاد نہیں کرے گا ، جبکہ وجے ہزارے ٹرافی کھیلی جائے گی کیونکہ ریاستی یونٹس اس کا انعقاد کرنا چاہتی ہیں۔ پہلی بار بی سی سی آئی انڈر 19 قومی ون ڈے ٹورنامنٹ وینو مان کڈ ٹرافی اور خواتین کے قومی ون ڈے ٹورنامنٹ کا بھی انعقاد کرے گا۔
بورڈ کے سکریٹری جئے شاہ نے ریاستی اکائیوں کو ایک خط میں یہ معلومات دی۔بی سی سی آئی کے صدر سورو گنگولی اور سکریٹری شاہ رنجی ٹرافی کا انعقادکرنا چاہتے تھے کیونکہ اس میںکھلاڑیوں کو زیادہ سے زیادہ میچ فیس (تقریبا ڈیڑھ لاکھ روپے فی میچ) ملتی ہے ، لیکن کورونا کے دوران دو مراحل میں دو ماہ کا بایو سکور بنانا ممکن نہیں ہے۔ شاہ نے خط میں لکھا کہ مجھے یہ کہتے ہوئے خوشی ہو رہی ہے کہ ہم سینئر ویمن ون ڈے ٹورنامنٹ وجئے ہزارے ٹرافی اور انڈر 19 وینو مانکڈ ٹرافی کا انعقادکر رہے ہیں۔
گھریلو سیزن 2020-21سے متعلق فیڈ بیک لے کر یہ فیصلہ کیا گیا۔ شاہ نے یہ بھی بتایا کہ کورونا بحران میں گھریلو کیلنڈر تیار کرنا کتنا مشکل تھا۔ہم پہلے ہی کافی وقت کھو چکے ہیں اور حفاظتی اقدامات کو مدنظر رکھتے ہوئے کرکٹ کیلنڈر تیار کرنا بہت مشکل تھا۔بی سی سی آئی نے اپنے اے جی ایم میں فیصلہ کیا تھا کہ اگر سیشن مختصر کیا گیا تو کھلاڑیوں کو معاوضہ دیا جائے گا۔
یہ سمجھا جاتا ہے کہ بورڈ اس سمت میں کچھ اقدامات کرے گا تاکہ گھریلو کرکٹرز کی معاشی حالت متاثر نہ ہو۔شاہ نے سید مشتاق علی ٹرافی ٹورنامنٹ کے انعقاد پر ریاستی اکائیوں کا بھی شکریہ ادا کیا۔
