پٹنہ ،2اگست :(اردودنیا.اِن/ایجنسیاں)آرجے ڈی سربراہ لالو پرساد کے گردے کی پیوند کاری کے لیے سنگاپور جانے کا راستہ تقریباً صاف ہو گیا ہے ، منگل کو سی بی آئی کی خصوصی عدالت نے ان کے پاسپورٹ کی تجدید کی اجازت دی تھی۔ لالو پرساد کے وکیل سدھیر کمار سنہا نے پٹنہ میں جسٹس مہیش کمار کی خصوصی سی بی آئی عدالت میں اپنے موکل کے پاسپورٹ کی تجدید کی درخواست دائر کی تھی۔اس سے قبل چارہ گھوٹالے میں سزا یافتہ لالو پرساد نے رانچی کی خصوصی سی بی آئی عدالت میں پاسپورٹ کی تجدید کے لیے درخواست دائر کی تھی اور عدالت نے اسے 14 جون کو ہی اجازت دی تھی۔ْ
لالو پرساد کئی بیماریوں میں مبتلا ہیں جن میں گردے کے پھیپھڑوں میں شدید انفیکشن، ذیابیطس، بلڈ پریشر شامل ہیں۔لالو پرساد گزشتہ ایک سال سے سنگاپور کے ڈاکٹروں سے مشورہ لے رہے ہیں۔ اس وقت لالویادو کے دونوں گردے 75 فیصد سے زیادہ خراب ہیں۔ حال ہی میں، پٹنہ میں 10، سرکلر روڈ پر اپنی بیوی رابڑی دیوی کی رہائش گاہ پر قیام کے دوران سیڑھیوں سے گرنے کی وجہ سے ان کے کندھے میں فریکچر ہوگیا تھا، اور انہیں علاج کے لیے دہلی کے ایمس لے جایا گیا۔
