بھوپال ،9اگست:(اردودنیا.اِن/ایجنسیاں) ریاست مدھیہ پردیش میں مرچی بابانامی سادھو کو پولیس نے عصمت دری کے الزام میں گرفتار کر لیا ہے۔ ریاست کے دارالحکومت بھوپال میں ایک خاتون نے ان پر عصمت دری کا الزام لگایا ہے۔ خاتون کا الزام ہے کہ انہیں اولاد نہیں تھی۔ وہ اپنا مسئلہ لے کر بابا کے پاس گئیں تو انہیں دوائی دے کر بے ہوش کر دیا گیا۔ اس کے بعد اس کی عصمت دری کی گئی۔مرچی بابا کو کمل ناتھ کی قیادت والی کانگریس حکومت میں وزیر کا درجہ حاصل تھا۔
متاثرہ خاتون نے الزام لگایا تھا کہ مرچی نے بچہ پیدا کرنے کے بہانے انہیں نشہ آور گولیاں کھلا کر ان کے ساتھ زیادتی کی۔ اس سلسلے میں بھوپال کی پولس ٹیم ملزم مرچی بابا کو پکڑنے کے لیے کل رات گوالیار پہنچی،جہاں صبح بابا کو ایک ہوٹل سے گرفتار کیا گیا ہے۔متأثرہ رائے سین کی رہائشی ہے۔ 28 سالہ خاتون نے پولیس کو شکایت میں بتایا ہے کہ اس کی شادی کو چار سال ہوچکے ہیں۔ تاہم کوئی بچہ نہیں ہوا۔ وہ ابھی تک بے اولاد ہیں۔
اس کی وجہ سے مرچی بابا سیرابطہ میں آیا۔ بابا نے 17 جولائی2022 کو بھوپال کے منل ریزیڈنسی میں واقع اپنے مبینہ آشرم میں عصمت دری کی تھی۔ بابا نے پوجا کر کے بچہ ہونے کا دعویٰ کیا۔ بابا نے انہیں بلایا اور علاج کے نام پر ان کے ساتھ جنسی زیادتی کی۔ ویراگیانند گری مہاراج عرف مرچی بابا سال 2019 میں ہوئے لوک سبھا انتخابات میں سرخیوں میں آئے تھے۔ جب انہوں نے کانگریس امیدوار دگ وجے سنگھ کی جیت کو یقینی بنانے کے لیے پانچ کوئنٹل لال مرچوں کا ہون کیا۔
انہوں نے یہ بھی اعلان کیا تھا کہ اگر دگ وجے سنگھ الیکشن نہیں جیتتے ہیں تو وہ جل سمادھی لیں گے۔ بی جے پی امیدوار سادھوی پرگیہ سنگھ ٹھاکر الیکشن میں کامیاب ہوئیں۔ مرچی بابا کی آبی سمادھی پر اٹھنے والے سوالات اس کے بعد وہ غائب ہو گئے تھے۔ پھر اپنے وکیل کے ذریعے بھوپال کلکٹر سے جل سمادھی کے لیے اجازت مانگی، جسے مسترد کر دیا گیا۔
