مغربی بنگال : ٹی ایم سی کے ایک اور ممبراسمبلی نے بی جے پی میں شمولیت اختیار کی
کولکاتہ :(اردودنیا.اِن) اسمبلی انتخابات سے قبل ممتا حکومت کے ایک اور ایم ایل اے نے منگل کو بی جے پی میں شمولیت اختیار کرلی۔ ڈائمنڈ ہاربر کے رکن اسمبلی دیپک حالدار نے پیر کو ٹی ایم سی سے استعفیٰ دے دیا۔ انہوں نے بی جے پی لیڈر مکول رائے اور شوبھندو دھیکاری کی موجودگی میں بی جے پی میں شمولیت اختیار کی۔
West Bengal: Dipak Haldar, Diamond Harbour MLA, joins Bharatiya Janata Party (BJP) in presence of party leaders Mukul Roy and Suvendu Adhikari.
Dipak Halder had resigned from Trinamool Congress yesterday. pic.twitter.com/oogpRVcSes
— ANI (@ANI) February 2, 2021
بنگال میں ہونے والی سیاسی شورش کا اندازہ اس سے لگایا جاسکتا ہے کہ پچھلے 46 دنوں میں ٹی ایم سی کے 11 رہنماؤں نے بی جے پی کا دامن تھام لیا ۔ٹی ایم سے بی جے پی میں شامل ہونے کا عمل 19 دسمبر سے شروع ہوا ہے ، جب شوبھندوادھیکاری نے رکن اسمبلی سنیل منڈل کے ساتھ اور دیگر 10 ممبران اسمبلی کے ساتھ بی جے پی میں شامل ہوئے، ان میں سے 5 ممبران اسمبلی ترنمول کے تھے۔
اسپورٹس کے وزیر اور ممتا حکومت لکشمی رتن شکلا نے بھی پچھلے ماہ وزیر کے عہدے سے استعفیٰ دے دیا تھا۔ قیاس آرائی کی جارہی ہے کہ وہ سیاست سے سبکدوش ہوسکتے ہیں۔ریاست میں ممتا بنرجی حکومت کی مدت 30 مئی کو ختم ہوگی۔ لہٰذا اپریل-مئی میں ہی 294 اسمبلی نشستوں کے لئے انتخابات ہوں گے۔
