چینائی:(اردودنیا.اِن/ایجنسیاں)ٹی وی اداکارہ ایکتا شرما اداکاری میں کام کی کمی کی وجہ سے بیکار نہیں بیٹھنا چاہتی تھی، اس نے اپنے اخراجات پورے کرنے کے لیے کال سنٹر میں نوکری کرنے کا فیصلہ کیا۔ اداکارہ نے کہا کہ میں ایک پڑھی لکھی عورت ہوں اورگھر میں بیٹھ کرقسمت پر رونے کے بجائے میں نے باہر جاکر کمانے کا فیصلہ کیا۔ میں ایک قابل احترام کام کررہی ہوں اور مجھے اس پر فخر ہے۔ جب سے دنیا وبائی بیماری کورونا کی زد میں آئی ہے، تفریحی صنعت میں کام کو بحران کا سامنا کرنا پڑا جب بہت سی شوٹنگز رک گئیں اور شو بند ہوگئے۔ جب کہ پچھلے چند مہینوں میں کام مکمل طور پر دوبارہ شروع ہوا، ایکتا ابھی تک پروڈیوسر اور کاسٹنگ ڈائریکٹرزکے کال کا انتظارکررہی تھی۔
اس کا آخری شو Bepanah Pyaar لاک ڈاؤن کے اعلان سے ٹھیک پہلے ہی سمیٹ گیا تھا ۔ اخراجات اور بلوں کے ڈھیر کے ساتھ وہ جانتی تھی کہ وہ کسی کرشمہ کا انتظار نہیں کرسکتی۔ اس کے علاوہ وہ اپنی بیٹی کی تحویل کے لیے عدالتی مقدمہ لڑرہی ہے، اسے وکلاء کو بھی فیس ادائیگی کرنی پڑی۔ ابتدائی طور پر میں نے اپنے زیورات بیچ دیے، اس امیدپر کہ چیزیں ٹھیک ہوجائیں گی لیکن ایک سال کے بعدجب ایسا نہیں ہوا میں نے فیصلہ کیا کہ باہرجاکرکام تلاش کروں گا۔ اس نے کہا میں ایمانداری سے کہوں گی، یہ بہت مشکل فیصلہ تھا۔ مجھے باہر جانے اور حقیقی دنیا میں کام کرنے کے لیے ذہنی طور پرخود کوتیارکرنا تھا۔
