نئی دہلی:(اردودنیا.اِن/ایجنسیاں)آدھار کارڈ کو تمام اہم دستاویزات سے مربوط کرنا اب لازمی قرار دیا گیا ہے۔ کئی ایک محکموں نے پہلے ہی گائیڈلائینس جاری کی ہے کہ آدھار کو ہمارے راشن کارڈ ، پین کارڈ وغیرہ جیسے تمام اہم دستاویزات سے لنک (منسلک) کرنا چاہئے۔ درایں اثناء الیکشن کمیشن آف انڈیا (ای سی آئی) نے آدھار کارڈ کو ووٹر آئی ڈی یا ووٹر آئی ڈی کارڈ سے جوڑنے کو زیادہ ترجیح دی ہے۔ الیکشن کمیشن نے بھی اس کے لئے ایک مہم شروع کی ہے۔ فارم 6 بی میں کہا گیا ہے کہ آدھار کارڈ کو ہمارے ووٹر آئی ڈی سےمربوط کرکے ووٹر لسٹ میں ڈبل انٹری سے بچا جا سکتا ہے۔
ڈپلیکیٹ انٹری سے بچنے کے لئے نیا فارم 6 بی جاری کیا گیا ہے۔ اگر کسی شخص کا نام ایک سے زیادہ حلقوں کی رائے دہندگان کی فہرست میں ہے یا ایک ہی حلقے میں دو بار رجسٹرڈ ہے تو اسے درست کرنے کے لئے آدھار لنکنگ کی جائے گی۔
یہ بل منظور ہو چکا ہے۔ گزشتہ سال دسمبر میں لوک سبھا نے الیکشن رولز (ترمیمی) بل منظور کیا تھا۔ اس ترمیم کے ذریعے ہم آدھار کو اپنے ووٹر آئی ڈی سے جوڑ سکتے ہیں۔ تو آئیے سیکھتے ہیں کہ آدھار کو اپنے Voter ID سے کیسے جوڑنا ہے۔
1. NVSP.in میں لاگ ان کریں، قومی ووٹر کے سرکاری سروس پورٹل.
2. اپنے NVSP اکاؤنٹ میں لاگ ان کریں
3. سائن ان کرنے کے بعد، انتخابی فہرست میںاپنا ووٹر آئی ڈی تلاش کریں پر کلک کریں
4. ووٹر آئی ڈی تلاش کرنے کے لئے اپنی ذاتی تفصیلات درج کریں۔
5. آدھار کی معلومات اندراج کریں۔
6.ووٹر آئی ڈی کو آدھار کے ساتھ منسلک کے لیے موبائل پر OTP آئے گا۔
7. اس OTP کو داخل کرنے کے بعد آپکا ووٹر ائی ڈی آدھاکارڈ سے مربوط ہوجائے گا۔
