کمبل کے نیچے سوئی بچی تھائی لینڈ کے قتل عام میں معجزانہ طورپر محفوظ

بنکاک:(اردودنیا.اِن/ایجنسیاں) شمال مشرقی تھائی لینڈ کے ایک نرسنگ ہوم میں گذشتہ ہفتے ایک 3 سالہ بچی معجزانہ طور پر ایک کلاس روم کے کونے میں کمبل کے نیچے سونے کی وجہ سے قتل سے بچ گئی تھی۔اس کے والدین نے بتایا کہ بیبی پیونت سوبولونگ Paweenuch Supolwong جسے "ایمی” کے نام سے جانا جاتا ہے عام طور پر ہلکی نیند سوتی ہے، لیکن نیند کے وقت جب قاتل ایک نرسنگ ہوم میں گھس گیا اور 36 افراد بشمول 24 بچوں کو قتل کیا تو وہ چہرے پر کمبل اوڑھے جلدی سے سو گئی۔”رائٹرز” کے مطابق شاید بچی کے بچ جانے والی واحد وجہ اس کا کمبل میں سو جانا تھا۔ریسکیو کارکنان تین سالہ بچے کو اس کی آنکھیں ڈھانپ کر مرکز سے باہر لے گئے تاکہ وہ قتل عام کے تباہ کن منظر کا مشاہدہ نہ کر سکے۔

وہ نرسنگ ہوم کی واحد بچی تھی جو کسی نقصان کے زندہ بچ گئی۔ایمی کی والدہ پنوم بائی سیٹونگ نے کہا کہ "میں صدمے میں ہوں۔ مجھے دوسرے خاندانوں کے لیے افسوس ہے۔ میں خوش ہوں کہ میری بیٹی بچ گئی۔ یہ دکھ اور تشکر کا ملا جلا احساس ہے۔”

ایمی کے والدین نے یہ بھی واضح کیا کہ لگتا ہے کہ انہیں یہ سانحہ یاد نہیں ہے۔ قاتل کے جانے کے بعد کسی نے اسے کلاس روم کے ایک دور کونے میں گھومتے ہوئے پایا۔ پھر اس کا سرڈھانپ کروہاں سے لے جایا گیا اس نے اپنے ساتھیوں کی نعشیں نہیں دیکھیں۔پولیس کے مطابق چاقو کے وار سے ہلاک ہونے والے 24 بچوں میں سے، 11 کی موت اس کلاس روم میں ہوئی جہاں وہ سو رہے تھے، دو دیگر بچوں کو سر میں شدید چوٹوں کے ساتھ ہسپتال لے جایا گیا۔