Sidney de Carvalho Mesquita، جسے Tio Chico کے نام سے جانا جاتا ہے، کو گلوب لکسیشن ہے، ایک ایسی طبی حالت جس میں آنکھ کی گولی ساکٹ کے باہر نکل جاتی ہے۔
برازیلین شخص Sidney de Carvalho Mesquita نے اپنی آنکھوں کی پُتلی پھیلا کر عالمی ریکارڈ قائم کردیا۔گنیز ورلڈ ریکارڈز کے مطابق سڈنی دی کارویلو میسکیوٹا کی آنکھیں 18.2 ملی میٹر تک پھیل کر اپنے ساکٹ سے باہر آجاتی ہیں۔سڈنی دی کارویلو میسکیوٹا کو ٹائیو چیکو کے نام سے بھی جانا جاتا ہے۔ اس ریکارڈ کی تصدیق 10 جنوری 2022 کو برازیل کے ساؤ پاؤلو میں کی گئی، جب ایک ماہر امراض چشم نے پروپٹو میٹر کے نام سے معروف ڈیوائس کا استعمال کرتے ہوئے اس کی آنکھ کے پھیلاؤ کی پیمائش کی۔
ٹائیو چیکو کو 9 برس کی عمر میں پہلی بار اندازہ ہوا کہ وہ انوکھی صلاحیتوں کا مالک ہے۔ انہیں یہ اندازہ آئینے کے سامنے مختلف اور احمقانہ چہرے بناتے ہوئے ہوا اور تب سے وہ اپنی غیر معمولی صلاحیتوں کا مظاہرہ کر رہے ہیں۔
ابتداً جب انہوں نے اپنی صلاحیتوں کا مظاہرہ اپنے والدین اور دوستوں کے سامنے کیا تو انہیں لگا کہ ٹائیو چیکو کسی بیماری کا شکار ہیں تاہم جلد والدین کو ان کی منفرد صلاحیتوں کا اندازہ ہوگیا۔اب وہ ان کے ٹیلنٹ کو خوب سراہتے ہیں۔ گنیز ورلڈ ریکارڈز کے ساتھ بات چیت میں ،ٹائیو چیکو کا کہنا ہے کہ ان کی یہ صلاحیتیں قدرتی ہیں، اس کے لیے کوئی خاص تربیت حاصل نہیں کی۔انہوں نے یہ بھی بتایا کہ جب وہ اپنی آنکھوں کی پتلی کو پھیلاتے ہیں تو سب کچھ دھندلا نظر آتا ہے لیکن کچھ ہی دیر میں سب دکھائی دینا شروع ہوجاتا ہے۔وہ ایک الیکٹرانک کمپنی کے سیلز ڈپارٹمنٹ میں کل وقتی کام کرتے ہیں اور ایک ڈرمر اور ڈی جے بھی ہے۔
Sidney loves to scare people on the street with his incredible eye-popping ability! pic.twitter.com/QpBJXmh9tJ
— Guinness World Records (@GWR) October 19, 2022
