نئی دہلی ، 21اکتوبر:(اردودنیا.اِن/ایجنسیاں)سیرم انسٹی ٹیوٹ آف انڈیا کے چیف ایگزیکٹیو آفیسر آدر پونا والا نے کہا کہ کمپنی نے دسمبر 2021 سے کووِشیلڈ ویکسین کی تیاری روک دی ہے۔انہوں نے کہا کہ اس وقت دستیاب کل اسٹاک میں سے تقریباً 10 کروڑ خوراکیں ختم ہو چکی ہیں۔ پونے میں ترقی پذیر ممالک کے ویکسین مینوفیکچررز نیٹ ورک کی سالانہ جنرل میٹنگ کے موقع پر صحافیوں سے بات کرتے ہوئے پونا والا نے کہا کہ احتیاطی خوراک کی کوئی مانگ نہیں ہے کیونکہ لوگ وبائی امراض سے تنگ آچکے ہیں اور ویکسینیشن کے بارے میں بے حس ہو چکے ہیں۔جب کو ی شیلڈ ویکسین سے متعلق تازہ ترین معلومات کے بارے میں پوچھا گیا تو، پونا والا نے کہا کہ ہم نے دسمبر 2021 سے ( Covishield) پیداوار بند کر دی ہے۔
اس وقت ہمارے پاس کروڑوں ویکسین کا ذخیرہ تھا، جن میں سے 100 ملین خوراکیں ختم ہو چکی ہیں۔ انہوں نے کہا کہ ایس آئی آئی ویکسین کی مخلوط خوراکیں لگانا جائز ہے۔ پونا والا نے کہا کہ اب کوو ویکس کو اگلے دو ہفتوں میں منظور کیا جا سکتا ہے۔ اس لیے مجھے لگتا ہے کہ وہ ممکنہ طور پر بچاؤ کی ویکسین کی مخلوط خوراک کی اجازت دے دی گے۔اگر عالمی ادارہ صحت اس کی منظوری دے دیتا ہے تو شاید ہندوستانی ریگولیٹر بھی اجازت دے گا اور ایسا کرنا چاہیے۔ تاہم، فی الحال، احتیاطی خوراک کا کوئی مطالبہ نہیں ہے، انہوں نے مزید کہا کہ عام طور پر احتیاطی خوراک کے بارے میں غفلت پائی جارہی ہے، لوگ کووڈ-19 اور ویکسین سے تنگ آچکے ہیں۔
