ممبئی:(اردودنیا.اِن/ایجنسیاں)بالی وڈ کی مقبول اداکارہ کترینہ کیف کو اپنے فلمی کیریئر کے آغاز میں ایسے دن بھی دیکھنے کو ملے جب انہیں یہ کہہ کر فلم میں نہیں رکھا جاتا تھا کہ ’آپ تو اداکارہ بن ہی نہیں سکتیں۔حالیہ انٹرویو میں کترینہ کیف نے یہ انکشاف کیا کہ انہیں جان ابراہم کی فلم سے نکال دیا گیا تھا اور ساتھ ہی کافی بری بری باتیں بھی سننے کو ملیں۔کترینہ کیف ہدایت کار انوراگ باسو کی فلم سایہ کا ذکر کر رہی تھیں جس میں جان ابراہم کے ساتھ اس وقت کی سپر ہٹ فلم ’پردیس‘ کی ہیروئن ماہیما چوہدری نے مرکزی کردار ادا کیا تھا۔کترینہ کیف نے بتایا کہ فلم کے لیے ابھی ایک شاٹ کی ہی شوٹنگ ہوئی تھی کہ تو انہیں ہٹا کر کسی اور اداکارہ کو رکھ لیا گیا۔
ایک شاٹ کی شوٹنگ کے بعد، نہ صرف ایک دن (کی شوٹنگ) بلکہ صرف ایک شاٹ کے بعد ہی (مجھے ہٹا دیا گیا)۔ اس وقت مجھے لگا کہ میری زندگی تو بس ختم ہو گئی ہے، اور میرا کیریئر بھی ختم ہو گیا ہے۔‘فلم فون بوتھ کی اداکارہ کترینہ کیف کا کہنا تھا کہ ہر شخص کو انکار کو سامنا کرنا پڑتا ہے لیکن وقت کے ساتھ ساتھ ہمت پیدا کرنا پڑتی ہے۔
’اکثر اداکاروں کو انکار سننا پڑتا ہے اور اسی لیے آپ کو ہمت بھی پیدا کرنا ہوتی ہے۔ جب میں نے کیریئر کا آغاز کیا تو لوگوں نے مجھے میرے منہ پر کہا کہ تم اداکار نہیں بن سکتی اور تم میں کچھ بھی اچھا نہیں ہے۔‘کترنیہ کہنا تھا کہ اپنے متعلق اس قسم تاثرات سن کر وہ بہت روتی تھیں۔’رونے سے بھی مدد ملتی ہے۔ اگر آپ اپنے نظریے پر ڈٹے رہیں تو محنت بھی زیادہ کرتے ہیں لیکن اس کے لیے آپ کو ہمت باندھ کر رکھنا ہوگی۔‘کترینہ کیف کی بالی وڈ میں انٹری سنہ 2003 میں فلم بوم سے ہوئی تھی جو فلاپ ہوئی لیکن اس کے فوری بعد انہیں فلم سرکار، میں نے پیار کیا، نمستے لندن، ایک تھا ٹائگر جیسی فلمیں کرنے کا موقع ملا جو باکس آفس پر بہت زیادہ کامیاب ہوئیں۔
کترینہ کیف کی نے اپنے کاسمیٹک برانڈ کے تین سال پورے ہونے ے جشن کو سیلبریٹ کیا۔ اسی موقع پر کیٹرینہ نے ایک انٹرویو میں انکشاف کیا کہ جب کبھی بھی انہیں نیند نہیں آتی ہے تو ان کے شوہر وکی کوشل ان کے لیے گاتے ہیں۔ اس کے ساتھ جب کیٹرینہ سے وکی کوشل کی بہت پیاری عادت کے بارے میں پوچھا گیا تو ایکٹریس نے خوشی کے ساتھ بتایا کہ وکی کو گانے اور ناچنے سے بہت پیار ہے۔ اس کے آگے کیٹرینہ نے بتایا کہ اسے ڈانس اور گانے سے جو خوشی ملتی ہے وہ دیکھنے لائق ہوتی ہے۔اس کے علاوہ جب کیٹرینہ کیف سے وکی کوشل کی پریشان کرنے والی عادت کے بارے میں سوال کیا گیا تو انہوں نے مسکراتے ہوئے کہا کہ وکی کبھی کبھی بہت ضدی ہوجاتے ہیں۔ ان کی اس عادت سے پریشان ہوجاتی ہوں۔
کترینہ کیف کی اور وکی کوشل اپنی آنے والی فلموں کو لے کر کافی مصروف ہیں۔ جہاں ایک طرف کیٹرینہ کیف سلمان خان کے ساتھ ’ٹائیگر3‘ کو لے کر مصروف ہیں تو وہیں وکی کوشل بھی ان دنوں اپنے کئی پروجیکٹس کو لے کر مصروف ہیں۔ دونوں کے فینس کو ان کی آنے والی فلموں کا بے صبری سے انتظار رہتا ہے۔
