جکارتہ ، 21 نومبر :(اردودنیا.اِن/ایجنسیاں) انڈونیشیا میں 5.4 شدت کے زلزلے کے نتیجے میں کم از کم 20 افراد ہلاک اور 300 سے زائد زخمی ہو گئے۔خبر رساں ایجنسی اے ایف پی کے مطابق زلزلے سے انڈونیشیا کا مرکزی جزیرہ جاوا سب سے زیادہ متاثر ہوا جس کے نتیجے میں کئی عمارتیں زمین بوس ہو گئیں۔امریکی جیولوجیکل سروے کے مطابق ریکٹر اسکیل پر زلزلے کی شدت 5.4 تھی جس کا مرکز جکارتا کے جنوب میں تھا۔سیانجر انتظامیہ کے سربراہ ہرمن سوہرمن نے مقامی نشریاتی ادارے میٹرو ٹی وی کو بتایا کہ ہمیں موصولہ اطلاعات کے مطابق صرف اس ہسپتال میں 20 افراد ہلاک اور 300 زخمی ہوئے ہیں جن کا علاج جاری ہے۔
ان کا کہنا تھا کہ زخمیوں میں سے اکثر عمارتیں زمین بوس ہونے کی وجہ سے ملبے تلے دب کر زخمی ہوئے۔انڈونیشیا کے زلزلہ پیما مرکز کے مطابق ملک میں 5.6 شدت کا زلزلہ آیا جس کا مرکز جکارتا سے 100 کلومیٹر دور سیانجر میں تھا۔انڈونیشیا کے درالحکومت جکارتا میں زلزلے کے جھٹکے محسوس کیے جانے کے بعد لوگ خوف و ہراس کے عالم میں گھروں سے باہر نکل آئے۔جکارتہ میں کام کرنے والے 22سالہ وکیل مایادیتا والیو نے کہا کہ میں کام کررہا تھا کہ اسی دوران مجھے زمین ہلتی ہوئی محسوس ہوئی، میں واضح طور پر زلزلے کے جھٹکے محسوس کر سکتا تھا، یہ جھٹکے وقت کے ساتھ مزید تیز ہوتے گئے اور کافی وقت تک یہ سلسلہ جاری رہا۔جکارتہ کی ایک بلند و بالا عمارت میں کام کرنے والے اے ایف پی کے صحافیوں کو بھی فوری طور پر عمارت خالی کرنے کا حکم دے دیا گیا۔
earthquake in Cianjur, West Java,Indonesia I hope you will get strength, we all have a chance to rise, stay strong 🤝#Solidarity pic.twitter.com/jEjah929oP
— Perdiansyah (@PerdiAn13906183) November 21, 2022
My residence in South Central Jakarta, Indonesia felt the quake really intensely, guys!
I was informed that Cianjur in West Java was where the earthquake’s epicenter was located.
We all descended to the first floor using the emergency stairs. pic.twitter.com/hZUJRKahHW
— Halo (@salahsambungya) November 21, 2022
