کرناٹک: آدمی کے پیٹ سے نکالے گئے 187 سکے

بنگلور، 30 نومبر:(اردودنیا.اِن/ایجنسیاں)کرناٹک کے رائچور ضلع باگلکوٹ کے ہناگل شری کماریشور ہاسپیٹل اینڈ ریسرچ سنٹر میں ایک ایسا معاملہ سامنے آیا ہے جس کے بارے میں سن کر سبھی حیران ہیں۔ اسپتال میں ایک مریض کے پیٹ سے 187 سکے نکالے گئے ہیں۔ پیٹ سے برآمد کیے گئے سکّوں میں 5 روپے کے 56 سکّے، 2 روپے کے 51 سکّے، اور 1 روپے کے 80 سکّے شامل ہیں۔ مریض کے پیٹ سے جو سکّے نکلے ہیں اس کا وزن 1.2 کلوگرام ہے۔ اگر دیکھا جائے تو مجموعی طور پر 462 روپے کے سکّے شخص کے پیٹ سے نکالے گئے۔ڈاکٹروں نے بتایا کہ الٹی اور پیٹ میں تکلیف کی شکایت کے بعد اس مریض کو اسپتال میں داخل کرایا گیا تھا۔ اس مریض کو سیزوفرینیا نامی بیماری ہے۔

اس کی وجہ سے مریض کو سکّے نگلنے کی عادت ہو گئی۔ دراصل سیزوفرینیا schizophrenia کے مریض غیر معمولی طرح سے سوچتے ہیں اور عجب احساس بھی کرتے ہیں۔ یہی وجہ ہے کہ وہ عجیب و غریب طرح کا سلوک بھی کرتے ہیں۔حال، یہ مریض لنگسوگر کا رہنے والا ہے۔ ان کا نام دیمپا ہریجن ہے اور عمر 58 سال ہے۔ مریض نے پیٹ درد ہونے کی شکایت کی جس کے بعد ان کا بیٹا روی کمار انھیں نزدیکی اسپتال لے کر پہنچا۔ یہاں ڈاکٹروں نے ایکسرے اور اینڈوسکوپی کی۔ اس کے ایبڈومینل اسکین سے پتہ چلا کہ پیٹ میں 1.2 کلوگرام سکّے ہیں۔ اس کے بعدآپریشن کر کے سکّوں کو نکالا گیا۔مریض کا علاج کرنے والے ڈاکٹر ایشور کلبرگی نے بتایا کہ یہ ایک چیلنج بھرا کیس تھا۔ آپریشن کرنا بھی کافی مشکل تھا کیونکہ مریض کا پیٹ غبارے جیسا ہو گیا تھا۔ پیٹ میں ہر جگہ سکّے دکھائی دے رہے تھے۔