اسدالدین اویسی کا دعویٰ چینی فوج لداخ میں اپنا وجود مضبوط کر رہی ہے، مودی حکومت سچ کیوں چھپا رہی ہے؟

نئی دہلی ، یکم دسمبر :(اردودنیا.اِن/ایجنسیاں)حیدرآباد کے ایم پی اسد الدین اویسی نے ایک انگریزی ویب سائٹ کی خبر کا حوالہ دیتے ہوئے کہا ہے کہ چینی فوج نے لداخ میں اپنے قدم مضبوط کر لیے ہیں۔ انہوں نے ٹوئٹ کرکے مرکز کو نشانہ بنایا ہے ۔chinapower.csis.org ویب سائٹ پر کچھ مبینہ سیٹ لائٹ تصاویر کے ساتھ ایک اسٹوری شائع کی گئی ہے، جس میں کہا گیا ہے کہ چین پینگونگ تسو (ایک جھیل) کے ساتھ ہندوستانی سرحد کے ساتھ اپنی فوجی گرفت مضبوط کر رہا ہے۔ اس ویب سائٹ کی اسٹوری کا لنک شیئر کرتے ہوئے اویسی نے مرکز میں بی جے پی کی قیادت والی مودی حکومت کو نشانہ بنایا ہے۔اے آئی ایم آئی ایم کے سربراہ اویسی نے ایک ٹویٹ میں لکھا کہ پی ایل اے اپنا راستہ مضبوط کر رہا ہے اور اگر ایسا کہا جائے تو خود کو جنگ کے لیے تیار کر رہا ہے۔ لداخ کی تازہ ترین سیٹ لائٹ تصاویر یہی ظاہر کرتی ہیں۔

یہ عالمی سطح پر سب کو نظر آرہا ہے، تو مودی حکومت ملک سے سچ کیوں چھپا رہی ہے؟

خبروں میں 2020 اور اکتوبر 2022 کی مبینہ سیٹ لائٹ تصاویر کے ذریعے بتایا گیا ہے کہ پینگونگ تسو کے قریب پہلے کیا صورتحال تھی اور اب کیا ہے۔سیٹ لائٹ تصاویر کا ماخذ میکسر نامی ایک امریکی آئی ٹی کمپنی سے منسوب کیا گیا ہے۔رپورٹ میں کہا گیا ہے کہ ستمبر 2022 میں خطے کی دو طاقتوں (انڈیا-چین) نے باہمی طور پر گوگرہ ہاٹ اسپرنگس کے قریب لائن آف ایکچوئل کنٹرول سے اپنی فوجیں ہٹانا شروع کر دیں۔ اس کے باوجود کوئی بھی فریق مکمل طور پر پیچھے ہٹنے کو تیار نہیں۔ درحقیقت سیٹ لائٹ تصاویر سے پتہ چلتا ہے کہ چین Pangong Tso کے قریب ایک اہم اور طویل مدتی فوجی موجودگی کو برقرار رکھنے کے لیے سرمایہ کاری کر رہا ہے۔