گوالیار کی خاتون نے 4 ٹانگوں والی بچی کو جنم دیا۔

گوالیار: (اردودنیا.اِن/ایجنسیاں)مدھیہ پردیش میں بچی چار ٹانگوں کے ساتھ پیدا ہوئی۔ مدھیہ پردیش کے ضلع گوالیار میں ایک خاتون نے 4 ٹانگوں والی بچی کو جنم دیا ہے جس نے لوگوں میں تجسس پیدا کر دیا ہے۔سکندر کمپو علاقہ کی آرتی کشواہا نے بدھ کو یہاں کملا راجہ اسپتال میں ایک لڑکی کو جنم دیا۔ ڈاکٹروں نے بتایا کہ نومولود صحت مند ہے۔بچی کا وزن 2.3 کلوگرام ہے۔ پیدائش کے بعد ڈاکٹروں کی ایک ٹیم نے جے آروگیہ ہاسپٹل گروپ گوالیار کے سپرنٹنڈنٹ کے ساتھ مل کر بچے کا معائنہ کیا۔

جے آروگیہ ہاسپٹل گروپ کے سپرنٹنڈنٹ ڈاکٹر آر کے ایس ڈھاکڈ نے خبر رساں ایجنسی کو بتایا کہ جس بچے کی پیدائش کے وقت چار ٹانگیں ہوتی ہیں، اس کی جسمانی خرابی ہوتی ہے۔ کچھ جنین اضافی ہو جاتے ہیں، جسے طبی سائنس کی زبان میں اسچیوپیگس کہتے ہیں۔ جب ایمبریو دو حصوں میں تقسیم ہو جاتا ہے، تو اس کے جسم میں خرابی پیدا ہوتی ہے۔ جسم کی نشوونما دو جگہوں پر ہوتی ہے۔ اس بچی کی کمر کے نیچے والا حصہ دو اضافی ٹانگوں کے ساتھ نشوونما پا چکا ہے لیکن وہ ٹانگیں غیر فعال ہیں۔

فی الوقت شعبہ اطفال کے ڈاکٹر چیک کر رہے ہیں کہ آیا جسم کے کسی حصے میں کوئی اور خرابی تو نہیں ہے۔ معائنے کے بعد اگر وہ صحت مند ہے تو سرجری کے ذریعے ان ٹانگوں کو نکال دیا جائے گا۔ تاکہ وہ نارمل زندگی گزار سکیں، ” سپرنٹنڈنٹ ڈاکٹرڈھاکڈنے بتایا کے بچی فی الحال کملا راجہ ہسپتال کے شعبہ اطفال کے خصوصی نوزائیدہ کیئر یونٹ ایڈمٹ ہے۔ شیرخوار کی صحت کی حالت پر مسلسل نظر رکھی جا رہی ہے۔ ڈاکٹر سرجری کے ذریعے اس کی اضافی ٹانگیں ہٹانے کی بات کر رہے ہیں۔ فی الحال بچی مکمل طور پر صحت مند ہے۔

واضح ہوکہ اس سال مارچ کے شروع میں مدھیہ پردیش کے رتلام میں ایک خاتون نے دو سر، تین بازو اور دو ٹانگوں والے بچے کو جنم دیا۔