امیت شاہ کے سامنے بی ایس ایف سے ممتا بنرجی کی بحث کہا- فورس کے پاس زیادہ طاقت، عوام کے لیے زحمت ہے

کولکاتہ ،17دسمبر :(اردودنیا.اِن/ایجنسیاں) ہفتہ کو مغربی بنگال کی وزیر اعلیٰ ممتا بنرجی اور بی ایس ایف افسران کے درمیان لفظی نوک جھونک ہوئی ۔ میڈیا رپورٹس کے مطابق اس دوران وزیر داخلہ امت شاہ بھی موجود تھے۔ یہ واقعہ ہاوڑہ میں مشرقی زونل کونسلنگ میٹنگ کے دوران پیش آیا۔ بی ایس ایف کو سرحد کے اندر 50 کلو میٹر تک کارروائی کا حق دینے سے ممتا ناراض ہیں۔ ممتا بنرجی کا کہنا ہے کہ اس سے عام لوگوں کو پریشانی ہو رہی ہے۔نئے قانون کے تحت مرکزی حکومت نے بی ایس ایف کو بین الاقوامی سرحد سے 50 کلومیٹر تک کے علاقے میں کارروائی کرنے کا اختیار دیا ہے۔ اس کے لیے مجسٹریٹ کے حکم یا وارنٹ کی ضرورت نہیں ہوگی۔

پہلے بی ایس ایف صرف 15 کلومیٹر کے اندر ہی کارروائی کر سکتا تھا۔ ممتا اس تبدیلی سے ناراض ہیں۔ ان کا کہنا ہے کہ اس سے عام لوگ پریشان ہو رہے ہیں۔ بی ایس ایف کے پاس زیادہ طاقت ہے، جو لوگوں اور افسران کے درمیان تال میل نہیں ہونے دیتی۔ممتا نے بی ایس ایف پر دیہاتیوں کے قتل کا الزام لگایا تھا ممتا نے مئی 2022 میں کہا تھا کہ بی ایس ایف والے گائوں میں گھس کر لوگوں کو مار رہے ہیں اور دوسری طرف بنگلہ دیش میں پھینک رہے ہیں۔ انہوں نے کہا تھا کہ بی ایس ایف، جو مرکزی حکومت کے تحت آتی ہے، بین الاقوامی سرحد کے پار گائے اسمگل کرتی ہے اور لوگوں کو مار کر ان کی نعشیں بنگلہ دیش میں پھینک دیتی ہے، لیکن اس کے لیے بنگال پولیس کو مورد الزام ٹھہرایا جاتا ہے۔ اسی لیے میں نے ریاستی پولیس سے بی ایس ایف کو روکنے کو کہا ہے۔

دسمبر میں مغربی بنگال کی اسمبلی نے بھی بی ایس ایف کے دائرہ اختیار میں توسیع کے خلاف ایک قرارداد منظور کی تھی۔پنجاب اور مغربی بنگال نے اس فیصلے کی مخالفت کی اس فیصلے نے پنجاب میں سیاسی تنازع کھڑا کر دیا تھا۔ پہلے پنجاب میں کسی بھی کارروائی میں بی ایس ایف مقامی پولیس کی مدد سے کام کرتی تھی۔ نئی ترمیم کے بعد کانگریس اور اکالی دل نے اس کی سخت مخالفت کی۔ اس وقت کے وزیر اعلیٰ پنجاب چرنجیت سنگھ چنی نے اسے ریاست کے حقوق پر حملہ قرار دیا۔

پنجاب کی طرح بنگال نے بھی اس فیصلے کی مخالفت کی۔ملک کی 12 ریاستوں پر مرکزی حکومت کے فیصلے کا اثر بی ایس ایف ایکٹ 1968 کی دفعہ 139 (1) کے تحت دفعات کی بنیاد پر مرکزی وزارت داخلہ کے فیصلے سے ملک کی 12 ریاستیں متاثر ہوئیں۔ ان میں گجرات، پنجاب، راجستھان، مغربی بنگال، آسام، منی پور، میزورم، تریپورہ، ناگالینڈ اور میگھالیہ، جموں و کشمیر اور لداخ کے مرکز کے زیر انتظام علاقے شامل ہیں۔ان 12 ریاستوں میں سے آسام، مغربی بنگال اور پنجاب میں بی ایس ایف کا دائرہ اختیار پہلے سے کہیں زیادہ بڑھ گیا ہے۔ ان ریاستوں میں پہلے بی ایس ایف سرحد کے اندر 15 کلومیٹر تک کارروائی کر سکتی تھی۔ اب وہ مجسٹریٹ کے کسی حکم یا وارنٹ کے بغیر 50 کلومیٹر تک کارروائی کر سکے گی۔