دہلی میں پھر کانجھاولا 2: کار نے اسکوٹی کو ماری ٹکر ، بونٹ پر پھنسے شخص کو 350 میٹر تک گھسیٹا، موقع پر ہی جاں بحق

نئی دہلی، 28جنوری:(اردودنیا.اِن/ایجنسیز) دہلی کے کیشو پورم سے کنجھاوالا جیسا معاملہ سامنے آیا ہے۔ یہاں 27 جنوری کو صبح 3:00 بجے ٹاٹا زیسٹ گاڑی نے اسکوٹی کو ٹکر ماری۔ حادثے کے وقت اسکوٹی پر دو افراد سوار تھے جس میں ایک شخص کی موقع پر ہی دردناک موت ہو گئی۔ دوسری جانب دوسرا اسپتال میں داخل ہے جس کی حالت تشویشناک بتائی جاتی ہے۔حادثے کے بعد اسکوٹی پر سوار سچن گری نامی شخص سڑک پر گر گیا تھا۔دوسری جانب کیلاش بھٹناگر نامی ایک اور نوجوان گاڑی کے بونٹ اور ونڈ شیلڈ میں پھنس گیا۔ اسکوٹی بھی کار کے بمپر میں پھنس گئی۔ جس کی وجہ سے کیلاش بھٹناگر کی موت ہوگئی اور سچن کی حالت نازک بتائی جاتی ہے۔معلومات کے مطابق کار سوار ملزم اسکوٹی اور شخص کو پریرنا چوک سے کنہیا نگر میٹرو اسٹیشن تک تقریباً 350 میٹر تک گھسیٹتے رہے۔ پی سی آر پٹرولنگ نے دیکھا تو گاڑی کا تعاقب کیا اور ملزم کو گرفتار کرلیا۔

گاڑی میں 5 افراد سوار تھے جن میں سے 2 کو پولیس نے موقع پر ہی گرفتار کر لیا اور باقی 3 کو بعد میں گرفتار کر لیا گیا۔ معلوم ہوا ہے کہ اسکوٹی سوار گارمنٹس فیکٹری میں کام کرتے تھے اور رات کو فلم پٹھان دیکھ کر واپس آ رہے تھے۔آپ کو بتا دیں کہ 27 جنوری کی رات دہلی میں ایک اور حادثہ ہوا، جس میں دو پولیس اہلکار زخمی ہو گئے۔ جمعہ کی رات ایک مبینہ طور پر نشے میں دھت شخص نے ٹریفک پولیس کے دو اہلکاروں کو ٹکر مار دی جس سے وہ زخمی ہو گئے۔ پولیس نے یہ اطلاع دی۔ پولیس کے مطابق ملزم کو مختصر تعاقب کے بعد گرفتار کیا گیا۔ واقعہ اس وقت پیش آیا جب ڈرائیور نے چالان سے بچنے کی کوشش کی۔عہدیداروں نے بتایا کہ ہیڈ کانسٹیبل وکاس سر پر چوٹ لگنے کی وجہ سے اسپتال میں زیر علاج ہے، جب کہ اس کے ساتھی ہیڈ کانسٹیبل سورت کو معمولی زخموں کے علاج کے بعد اسپتال سے چھٹی دے دی گئی۔ پولیس نے بتایا کہ ملزم کی شناخت جے جے کالونی، دوارکا کے رہنے والے سنتوش (31) کے طور پر کی گئی ہے۔

#WATCH | Delhi: A car rammed into a scooty & dragged a rider on its roof for about 350 m when he landed on it after being thrown into the air due to the impact of the collision. 5 accused arrested. FIR registered at Keshav Puram PS.

One scooty rider died, other is hospitalised pic.twitter.com/ktnnzyjLZQ

— ANI (@ANI) January 27, 2023