نئی دہلی ، 23مارچ:(اردودنیانیوز.کام/ایجنسیز) آسٹریلیا کیخلاف ونڈے سیریز میں ہندوستانی ٹیم کے جارحانہ اور 360 ڈگری پر شاٹس کھیلنے کے لیے مشہور سوریا کمار یادو نے انوکھا ریکارڈ اپنے نام کرلیا۔ میڈیا رپورٹس کے مطابق سوریا کمار Suryakumar Yadav آسٹریلیا کیخلاف لگاتار تین ون ڈے میچز میں پہلی ہی گیند یعنی گولڈن ڈک پر آؤٹ ہونے والے پہلے ہندوستانی کرکٹر بن گئے۔سوریا کمار کو پہلے 2 میچز آسٹریلیا کے فاسٹ بولر مچل اسٹارک نے ایل بی ڈبلیو کیا جب کہ تیسرے میچ میں اسپنر آشٹن آگر نے انہیں بولڈ کیا۔واضح رہے کہ آسٹریلیا نے انڈیا کے خلاف 3 ون ڈے میچوں کی سیریز دو ایک سے جیت لی ہے۔اس سے قبل سچن تندولکر، انیل کمبلے، ظہیر خان، ایشانت شرما اور جس پریت بمراہ ان کھلاڑیوں میں شامل ہیں جو ڈک یعنی بغیر کوئی رن بنائے آؤٹ ہوئے۔سوریا کمار یادیو گولڈن ڈک (پہلی گیند پر آؤٹ ) ہونے والے دنیا کے چودھویں بلے باز بن گئے۔
