بانجھ پن سے بچاؤ کے لئے چند مفید غذائیں ذیل میں مندرجہ ہیں جن کے مسلسل استعمال کرنے سے اولاد سے محرومی دور کی جاسکتی ہے۔

مکھانہ

مکھانہ کے روزانہ ایک مناسب مقدار میں استعمال بانجھ پن اور ضعف باہ میں مفید ہے، کئی تحقیقات سے معلوم ہوا ہے کہ مکھانہ جنسی عمل کو متحرک کرتا ہے، مردوں کے اسپرم بڑھانے اور عورتوں کے لیکوریا میں مفید ثابت ہوا ہے۔ یہ ہارمون کو اعتدال پر رکھتا ہے، کیلشیم اور پروٹین کا خزانہ ہونے کی بدولت مرد وعورت کی جنسی کمزوریوں کا شافی علاج ہے۔

مغز سورج مکھی

بھنے ہوئے یا بغیر بھنے ہوئے نمکین سورج مکھی کے بیج کی گٹھلیاں وٹامن ای سے بھرپور ہوتی ہیں۔ یہ ایک طرح سے ضروری غذائی جزو ہے جو کچھ مردوں میں نطفے کی مقدار کو بڑھاتی ہے، اس کے علاوہ سورج مکھی کے بیج فولیٹ اور سیلینیم سے بھرے ہوتے ہیں جو عورت و مرد دونوں کے تولیدی نظام کے لئے اہم ہیں۔

وٹامن سی سے بھرپور

سنترے مالٹے اور چکوترہ جیسے کھٹے پھل وٹامن سی کے لئے بہترین ذرائع ہیں چکوتروں اور سنتروں میں پولیامین پوٹریسین ہوتا ہے اس کے کچھ جانوروں پہ کی جانے والی تحقیق نے مرد وعورت کے انڈے اور منی کی صحت کو بہتر بنانے کی صلاحیت کا پتہ چلا ہے۔

پنیر

پنیر نطفے کی صحت کو بہتر بنا سکتا ہے۔ پنیر میں پولیامینز کی مقدار زیادہ ہوتی ہے پولیامائنز پودوں اور جانوروں کی مصنوعات میں پائے جانے والے پروٹین ہیں۔ یہ قدرتی طور پر انسانوں میں بھی رونما ہو تے ہیں پنیر خاص طور پر پولیامین پوٹریسین میں زیادہ ہوتا ہے جو نطفے کی صحت میں اہم کردار ادا کرتا ہے۔

ڈیری مصنوعات

فل کریم دودھ اور دودھ سے بنی ہوئی چیزیں زرخیزی اور حمل کے لیے بہترین انتخاب ہیں فل کریم ڈیری مصنوعات کو ہضم کرنا آسان نہیں ہوتا مگر یہ خاص طور پر زرخیزی کے لیے بہت فائدہ مند ہیں اس کی چکنائی سے وٹامن کو حل ہونے میں مدد ملتی ہے۔ ان وٹامن میں وٹامن اے، ای، ڈی، کے اور کے 2 شامل ہیں۔ مکمل چکنائی والی مصنوعات میں پوری کریم والا دودھ، آئس کریم، پنیر وغیرہ شامل ہیں۔

بادام

معز بادام روزانہ کھانا مردوں کو بانجھ پن سے بچانے میں مددگار ثابت ہوتا ہے۔ بادام کو روزانہ کھانا اسپرم کوالٹی کو بہتر بناتا ہے۔ جس سے بانجھ پن کا خطرہ دور ہوتا ہے۔ایک تحقیق کے دوران محققین نے 18 سے 35 سال کی عمر کے 119 مردوں کو لے کر انہیں 2 گروپس میں تقسیم کیا۔

ایک گروپ کو روزانہ 60 گرام بادام اور اخروٹ کا استعمال کرایا گیا جبکہ دوسرے گروپ کو بادام سے محروم رکھا گیا 14 ہفتے بعد معلوم ہوا کہ بادام کھانے والے افراد میں اسپرم کوالٹی بہتر ہوئی، ساتھ ہی بانجھ پن کا باعث بننے والے عناصر میں مردوں کے نمایاں کمی دیکھنے میں آئی ہے۔

پھلیاں اور دالیں

پھلیاں اور دالیں فائبر اور فولیٹ کا ایک بہترین ذریعہ ہیں، یہ دونوں صحت مند ہارمونل توازن برقرار رکھنے کے لئے اہم ہیں۔ دال میں پولیامین سپرمیڈین کی اعلی سطح بھی ہوتی ہے، جو تولیدی نظام کے لیے اہم کردار ادا کرتی ہے۔

مچھلی

مچھلی کی افادیت کا متعدد جائزوں سے پتہ چلا ہے، اومیگاتھری فیٹی ایسڈ کی وجہ سے اسپرم کی کارکردگی میں بہتری آتی ہے، اومیگاتھری فیٹی ایسڈ خون کی گردش اور ایستادگی میں بے حد مفید ہے، لیکن مچھلی کے فوائد اس وقت زیادہ ہوں گے جبکہ گوشت کا استعمال کم ہو۔

انار

انار وٹامن سی وٹامن کے، فولک ایسڈ اور بہت سے دیگر وٹامنز اور منرلز سے بھرپور ہوتے ہیں ان میں عمر کے اثرات کم کرنے اور کینسر سے بچاؤ کی خوبیاں بھی موجود ہوتی ہیں جبکہ یہ خون کی شریانوں کی صحت کے ساتھ ساتھ ہڈیوں کو بھی مضبوط کرتا ہے۔

یہ خون کی روانی کو بڑھاتا ہے طبی تحقیق کے مطابق انار کا استعمال بانجھ پن سے بچا سکتا ہے جبکہ دوران حمل اس کا جوس پینا بچوں کی دماغی نشوونما کے لیے بہترین ثابت ہوا ہے۔

اخروٹ

اخروٹ کے فوائد اکثر سامنے آتے رہتے ہیں جیسے کینسر کے خلاف موٹاپے سے بچاؤ وغیرہ اسی طرح یہ اومیگا تھری فیٹس اور وٹامن ای سے بھرپور ہونے کے باعث مردوں میں اسپرم کا معیار بہتر کرتے ہیں، جبکہ وٹامن بی اور پروٹین خواتین کے سسٹم کی صحت بہتر بنانے میں مددگار ہیں۔ ایک تحقیق کے مطابق اخروٹ کا روزانہ کچھ مقدار میں استعمال بانجھ پن کے خطرے سے تحفظ دیتا ہے۔ یہ تمام غذائیں صحت کے لحاظ سے ہر انسان کے لیے اچھی ہیں مگر ان غذاؤں کی خاص مقداربانجھ پن کو دور کرنے میں مرد اور عورت دونوں کے لیے فائدہ مند ہیں ۔