جاپانی شخص نے کتابننے کی چاہ میں ہزاروں ڈالر پھونک ڈالے : ویڈیو دیکھیے

جاپان :(اردودنیانیوز.کام/ایجنسیز) پالتو جانوروں خصوصا کتوں سے بہت سے لوگ محبت کرتے ہیں مگر بعض اوقات یہ محبت حد سے بڑھ جاتی ہے، ایسی ہی ایک مثال میں ایک جاپانی شخص نے کتا بننے کے لیے 22 ہزار ڈالر خرچ کر دیے۔شوق کا کوئی مول نہیں اسی کے مصداق ٹوکو نامی جاپانی شخص نے 22,000 ڈالر یا 20 لاکھ جاپانی ین حقیقی کتے کی طرح دکھائی دینے والا ایک کاسٹیوم تیار کروانے کے لیے خرچ کیے ہیں۔

حال ہی میں اپنے اس نئے روپ میں ٹوکو نے اپنے یو ٹیوب اکاؤنٹ پر ایک ویڈیو پوسٹ کی ہے۔ ان کے youtube پر تقریباً 40 ہزار Subscribers ہیں اور یہ ویڈیو وائرل ہو گئی۔ ویڈیو میں بعض لوگ انہیں سیر کے لیے لے جارہے ہیں، اس دوران وہ پارک میں موجود دوسرے کتوں کو سونگھتے اور زمین پر لوٹنیاں کھاتے نظر آتے ہیں۔

وکو نے کہا، ’’وہ ایسے کام کرنے میں لطف اندوز ہوتے ہیں جو صرف کتے ہی کرتے ہیں۔‘‘ اس سال فروری میں انہوں نے کتوں کی حقیقی زندگی گزارنے کے لیے ایک پنجرا بھی خریدا ہے۔یہ ویڈیو 6 دن پہلے پوسٹ ہوئی ہے، مگر گذشتہ سال اس وقت بنی تھی جب ایک جرمن چینل نے ٹوکو سے ملاقات کی۔تاہم ، لوگ اس شوق کو کس نظر سے دیکھیں اس خوف کے تحت ٹوکو نے اپنی اصلی شناخت ظاہر کرنے سے انکار کر دیا۔”

ویڈیو کے مطابق ٹوکو نے گھر باہر نکلنے سے پہلے کہا تھا کہ وہ بیرونی مہم جوئی سے گھبراہٹ اور تھوڑا سا خوفزدہ محسوس کرتے ہیں، لیکن ویڈیو میں دکھایا گیا کہ راہگیروں اور یہاں تک کہ دوسرے کتوں نے بھی ان کا پرتپاک استقبال کیا۔