نئی دہلی ،4اگست :(اردودنیانیوز.کام/ایجنسیز)سپریم کورٹ نے شراب پالیسی بے ضابطگیوں کے معاملے میں دہلی کے سابق نائب وزیر اعلیٰ اور عام آدمی پارٹی لیڈر منیش سیسودیا کی درخواست ضمانت پر سماعت ستمبر تک ملتوی کر دی گئی ہے۔ عدالت نے انفورسمنٹ ڈائریکٹوریٹ کو سیسودیا کی ضمانت کی درخواست پر اپنا جواب داخل کرنے کے لیے مزید وقت دیا۔ دریں اثنا، سپریم کورٹ نے منی لانڈرنگ کیس میں یس بینک کے بانی رانا کپور کی درخواست ضمانت پر غور کرنے سے انکار کر دیا ہے۔ دریں اثناء رانا کپور نے سپریم کورٹ سے درخواست ضمانت واپس لے لی۔

سپریم کورٹ نے کہا کہ اس کیس نے پورے مالیاتی نظام کو ہلا کر رکھ دیا۔

اس کے ساتھ ہی، ایک اور معاملے میں سپریم کورٹ نے کلکتہ ہائی کورٹ کی پورٹ بلیئر بنچ کے اس حکم پر روک لگا دی ہے، جس میں اس نے انڈمان اور نکوبار کے چیف سکریٹری کیشو چندر کو معطل کرنے اور ان پر پانچ لاکھ روپے کا جرمانہ عائد کرنے کا حکم دیا تھا ۔سپریم کورٹ نے بھارت کے الیکشن کمشنر کے طور پر ارون گوئل کی تقرری کو چیلنج کرنے والی این جی او ‘ایسوسی ایشن فار ڈیموکریٹک ریفارمز’ کی ایک پی آئی ایل کو خارج کر دیا۔ سپریم کورٹ نے کہا کہ آئینی بنچ پہلے ہی اس معاملے کو دیکھ چکی ہے۔نیز سپریم کورٹ نے بی جے پی لیڈر سویندو ادھیکاری کے خلاف جرم کے الزام میں ایف آئی آر درج کرنے کے ہائی کورٹ کے حکم کو مسترد کر دیا ہے۔ سپریم کورٹ نے کلکتہ ہائی کورٹ کے چیف جسٹس سے کہا ہے کہ وہ اس معاملے سے متعلق عرضی پر نئے سرے سے سماعت کریں۔ درحقیقت عدالت نے حکم دیا تھا کہ اب پولیس کسی بھی جائز معاملے میں اپوزیشن لیڈر سویندو ادھیکاری کے خلاف ایف آئی آر درج کر سکتی ہے۔ عدالت نے کہا تھا کہ اگر پولیس کے پاس صحیح معلومات ہیں تو ایف آئی آر درج کی جا سکتی ہے۔ پولیس قانون کے مطابق کارروائی کر سکتی ہے۔