ممبئی :(اردودنیانیوز.کام/ایجنسیز) بچوں سے لے کر بوڑھے تک ہر کوئی سیریل تارک مہتا کا اولٹا چشمہ Tarak Mehta Ulta Chasma کو یکساں جوش و خروش سے دیکھ رہے ہیں۔ سیریز میں ہر اداکار شائقین کو محظوظ کر رہا ہے۔ لیکن پچھلے کچھ دنوں سے سیریز میں کئی اتار چڑھاؤ آئے ہیں۔ جس کی وجہ سے یہ سلسلہ بحث کاموضوع بن گیا۔ سیریل کے کئی اداکاروں نے پروڈیوسر اسیت مودی پر سنگین الزامات لگائے تھے۔ یہی نہیں، 14 سال تک سیریل میں تارک مہتا کا کردار ادا کرنے والے شیلیش لودھا نے بھی آسیت مودی Asit Modi پر معاوضہ نہ دینے کا الزام لگاتے ہوئے سیریل چھوڑ دیا۔ یہی نہیں شیلیش لودھا نے انصاف حاصل کرنے کے لیے قانون کا سہارا لیا۔
شیلیش لودھا نے واجبات کی عدم ادائیگی پر پروڈیوسرز کے خلاف مقدمہ درج کرایا۔ اطلاعات کے مطابق شیلیش لودھا عدالت میںمقدمہ جیت گئے ہیں۔ عدالت نے شیلیش لودھا کے حق میں فیصلہ سنایا ہے۔ آسیت مودی نے ڈیمانڈ ڈرافٹ کے ذریعے شیلیش لودھا کو تصفیہ کی شرائط کے مطابق 1,05,84,000/- کی رقم دی ہے۔
شیلیش Shailesh Lodha نے اپریل 2022 میں سیریل تارک مہتا کا اولٹا چشمہ کو الوداع کہہ دیا۔ وقت پر معاوضے کی عدم ادائیگی کی وجہ سے، شیلیش لودھا نے نیشنل کمپنی لا ٹربیونل (NCLT) سے رجوع کیا اور شیلیش نےیہ مقدمہ جیت لیا۔ اس وقت شیلیش لودھا اور اسیت مودی کے درمیان تنازع کی ہر طرف چرچے ہو رہے ہیں عدالت کی جانب سے فیصلہ سنانے کے بعد شیلیش لودھا نے کہا سچ کی جیت ہوئی ۔ انہوں نے این سی ایل ٹی کا شکریہ بھی ادا کیا. یہ لڑائی پیسوں کے لیے نہیں تھی۔ یہ انصاف اور عزت نفس کی جنگ تھی اور میں نےیہ جنگ جیت لی ہے۔
شیلیش لودھا نے یہ بھی کہا کہ میں عدالت کے فیصلہ کے بعد خوش ہوں۔ساتھ ہی شیلیش لودھا نے سیریل میں ایک اداکارہ کے بارے میں بھی بتایا ہے۔ شیلیش لودھا نے اداکارہ کا نام لیے بغیر کہااداکارہ کو تین سال سے تنخواہ نہیں ملی۔ میں نے مقدمہ درج کرنے کے بعد اداکارہ کو پروڈکشن ہاؤس نے بلایا اور ان کے واجبات ادا کیے گئے۔ شیلیش لودھا کا یہ بھی کہنا تھا کہ اداکارہ نے مجھے شکریہ ادا کرنے کے لیے فون کیا۔
