شاہجہاں پور :دل دہلا دینے والا واقعہ،باپ بیٹی کو کندھے پر اٹھا کر جا رہا تھا، حملہ آور نے آکر سر میں گولی مار دی

شاہجہاں پور :(اردودنیانیوز.کام/ایجنسیز) اترپردیش کے شاہجہاں پور میں ایک دل دہلا دینے والے واقعے نے ہلا کر رکھ دیا ہے، جہاں ایک نوجوان، جو اپنی ڈیڑھ سالہ بیٹی کو کندھے پر اٹھائے ہوئے تھا، کو ایک شخص نے گولی مار دی۔۔شاہجہاں پور کے محلہ بابو جئی میں اتوار کی شام کو ایک موٹر سائیکل سوار حملہ آور نے شعیب عرف شبو (28 سال) کے سر میں گولی مار دی۔ شبو اپنی بیٹی کو کندھے پر لے کر گھر جا رہےتھے، حملہ آور نے سر میں گولی داغ دی۔ گولی لگتے ہی شبوبیٹی کے ساتھ سڑک پر گرگئے۔گولی کی آواز نے متاثرہ کے گھر والوں کو چوکنا کر دیا، جو باہر بھاگے۔ جائے وقوعہ پر افراتفری مچ گئی اور شدید زخمی نوجوان کو فوری طور پر اسپتال لے جایا گیا۔ ان کی حالت بدستور تشویشناک ہے۔ شکر ہے کہ بچی محفوظ ہے، اسے صرف معمولی زخم آئے ہیں، واقعے کی سی سی ٹی وی فوٹیج منظر عام پر آگئی ہے جس میں تین حملہ آور دکھائی دے رہے ہیں۔ فوٹیج میں پولیس کو موٹر سائیکل کا نمبر واضح طور پر نظر نہیں آرہا ہے۔

ٓ دیر رات انہیں دہلی کے ایک اسپتال میں داخل کرایا گیا ہے۔ پولیس نے حملہ آوروں کی تلاش کے لیے سی سی ٹی وی کی جانچ کی ہے۔ اس میں تین حملہ آور دکھائی دے رہے ہیں۔ فوٹیج میں شعیب اپنی بیٹی کو کندھے پر بٹھا کر جاتے ہوئے دکھائی دے رہے ہیں، جب ایک حملہ آور سامنے سے آتا ہے۔ وہ اپنی پتلون سے پستول نکالتا ہے اورشعیب کے سر میں گولی مار دیتا ہے۔

دو ساتھی موٹر سائیکل لے کر آگے کھڑے تھے۔ شعیب کو گولی مارنے کے بعد حملہ آور آگے کھڑے اپنے ساتھیوں کی موٹر سائیکل پر بیٹھ کر فرار ہو گیا۔ اس واقعے کی ویڈیو بھی سوشل میڈیا پر وائرل ہو رہی ہے۔ سی او سٹی بی ایس ویر کمار نے بتایا کہ حملہ آوروں کی تلاش کی جا رہی ہے۔ جلد ملزمان کو گرفتار کر لیا جائے گا۔ شعیب تقریباً 15 سال قبل پنجاب کے امرتسر چلے گئے تھے۔ ان کے والد نفیس احمد کی موبائل کی دکان ہے۔ شعیب کے دادا کے انتقال کی وجہ سے وہ ہفتے کی صبح اپنے اہل خانہ کے ساتھ گھر آئے تھے۔ اتوار کی شام تقریباً 7.30 بجے وہ اپنی بیوی اور بیٹی کے ساتھ رشتہ سے گھر واپس آرہے تھے۔ گھر سے چند قدم کے فاصلے پر سامنے سے آئے موٹر سائیکل سوار حملہ آوروں نےشعیب کو نشانہ بنایا۔

تحریری شکایت کی بنیاد پر پولیس نے مبینہ شوٹر طارق سمیت تین ملزمان کے خلاف رپورٹ درج کر لی ہے۔ دو ملزمان کو گرفتار کر لیا گیا ہے جبکہ تیسرے کی تلاش کی کوششیں جاری ہیں۔ انکشاف ہوا ہے کہ ملزم شوٹر کے بھائی کی ابتدائی طور پر اسی خاتون سے منگنی ہوئی تھی جس نے بعد ازاں مقتولہ سے شادی کی۔ تاہم، ان کی منگنی منسوخ کر دی گئی، جس سے شوٹر مشتعل ہو گیا۔ ٹوٹی ہوئی منگنی سے ذلت محسوس کرتے ہوئے، اس نے اس واقعے کو انتقام کے طور پر پیش کیا۔شعیب کے چچا نے پولیس اسٹیشن میں بیان دیا، جس میں انکشاف کیا گیا کہ شعیب نے چاندنی سے تقریباً تین سال قبل شادی کی تھی۔ اس شادی سے قبل چاندنی کی منگنی طارق کے بھائی سے ہوئی تھی جو محلے کے پڑوس والی علاقے میں رہائش پذیر تھا۔مختلف وجوہات کی بنا پرچاندنی کے والدین نے طارق کے بھائی سےشادی نہ کرنے کا فیصلہ کیا اور اس کے بجائے شعیب کا انتخاب کیا۔ چاندنی کی شادی شعیب سے کردی۔ اس فیصلے سے طارق اس کی اور اس کے خاندان کی توہین سمجھ کر بدلہ لینے کے ارادے کا اظہار کیا تھا۔

ShahaJahanPur: Heart-wrenching incident

Shoaib (28) was carrying his daughter on his shoulder, the assaiIant came and shøt him in the head from point-blank range.

Shoaib has been referred to Delhi for better treatment… Prayers needed. pic.twitter.com/WfYdMRoWya

— زماں (@Delhiite_) August 14, 2023

ایس پی اشوک کمار مینا کے مطابق اس معاملے میں تین افراد کے خلاف قتل کا مقدمہ درج کیا گیا ہے۔ انہوں نے کہا "ویڈیو شواہد کی بنیاد پر، مشتبہ افراد کی شناخت کر لی گئی ہے۔ انہیں گرفتار کرنے کی کوششیں جاری ہیں۔ ان کی گرفتاری سے جلد ہی واقعے کا پردہ فاش ہو جائے گا۔ ہمارے پاس چار ٹیمیں ہیں جو اس تفتیش کررہی ہیں۔

दिनांक-13.08.23 को थाना कोतवाली क्षेत्र के बाबू जई निवासी शोएब को अज्ञात व्यक्तियों द्वारा गोली मारे जाने के सम्बन्ध मे घटनास्थल से फील्ड यूनिट व पुलिस टीम को सीसीटीवी फुटेज प्राप्त हुआ है जिसके सम्बन्ध में @Ashokips68rr
SP #shahjahanpurpol की बाइट। #UPPolice@Uppolice pic.twitter.com/9vxKU3rb9U

— SHAHJAHANPUR POLICE (@shahjahanpurpol) August 14, 2023