دودھ میں بہت سے اہم غذائی اجزا شامل ہوتے ہیں، اس میں کیلشیم ہوتا ہے جو ہڈیوں کی صحت، دانتوں، بلڈ پریشر اور وٹامن ڈی کو جسم میں برقرار رکھتا ہے۔ اس سے آنتوں میں کیلشیم جذب کرنے کی طاقت پیدا ہوتی ہے، لیکن کچھ لوگ دودھ کی الرجی کا شکار ہوتے ہیں۔ وہ دودھ میں موجود پروٹین کو برداشت نہیں کرسکتے، اس لیے وہ جانوروں کے دودھ کے بجائے پودوں سے نکلنے والا دودھ، جیسے بادام اور سویا وغیرہ کا استعمال کرسکتے ہیں۔

milk allergy الرجی کی وجہ

ماہرین کے مطابق گائے کا دودھ بچوں میں الرجی کی بنیادی وجہ ہوتا ہے، بچوں میں حساسیت عام طور پر پیدائش کے چند ماہ بعد تک ہی پائی جاتی ہے۔ ماں کا دودھ پلانا بچوں کو الرجی سے بچانے کا ایک بہترین طریقہ ہے، تاہم کچھ مائیں گائے کا دودھ پیتی ہیں جس کی وجہ سے بچوں میں پروٹین منتقل ہوجاتی ہے۔بچہ جب ماں کا دودھ پیتا ہے تو اس میں غیر معمولی ردعمل ہوتا ہے اور کئی بیماریوں کا سبب بن سکتا ہے، لہٰذا زیادہ تر ڈاکٹرز ماؤں کو مشورہ دیتے ہیں کہ وہ پہلے 6 ماہ کے دوران بچے کو دودھ پلایا کریں تاکہ الرجی اور انفیکشن کا خطرہ کم ہو۔دودھ کی الرجی والے لوگوں کا مدافعتی نظام اس میں موجود پروٹین کو نقصان دہ چیز کے طور پر شناخت کرتا ہے، جو ہسٹامین جیسے مدافعتی اینٹی باڈیز کی تیاری کا باعث بنتا ہے، جو زیادہ تر الرجی کی علامات کا سبب بنتا ہے۔

واضح رہے کہ گائے کے دودھ میں دو اہم پروٹینز موجود ہوتے ہیں جو الرجی کا سبب بنتے ہیں، جو لوگ گائے کے دودھ سے الرجی رکھتے ہیں ان کو بھی اکثر سویا دودھ سے الرجی ہوتی ہے۔

عام طور پر دودھ کی الرجی والے بچوں کا ردعمل آہستہ ہوتا ہے۔ یہ علامات سے ظاہر ہوتا ہے جو وقت گزرنے کے ساتھ ساتھ پیٹ میں درد، اسہال، خارش، وقفے وقفے سے کھانسی، بہتی ہوئی ناک، یا ہڈیوں میں انفیکشن، قے، سردی لگنے، جلد اور منہ میں سوجن، کم بلڈ پریشر اور سانس لینے میں دشواری کی شکل میں ظاہر ہوتی ہیں۔

تشخیص اور عناصر

دودھ کی الرجی کی تشخیص کے لیے ڈاکٹرز متعدد طریقوں کا استعمال کرتے ہیں جیسے جلد سمیت ضروری جسمانی معائنہ۔ خون کا ٹیسٹ خون میں اینٹی باڈیز کی مقدار کی پیمائش وغیرہ۔ دودھ کی الرجی میں مبتلا افراد کے لیے ایسے کھانوں سے پرہیز کرنا چاہیے جن میں دہی، گاڑھے دودھ،پاؤڈر دودھ، مکھن، کریم اور پنیر شامل ہوں۔دودھ یا دودھ پر مشتمل اشیا کھانے سے پرہیز کرنے سے دودھ کی الرجی کا امکان کم ہوجاتا ہے۔

اسی طرح ان میں چٹنی کے علاوہ پنیر، کسٹرڈ اور آئس کریم شامل ہیں، ان کھانوں کے علاوہ جن میں دودھ پروٹین ہوتا ہے۔ اس میں روٹی، کوکیز، کیک، چاکلیٹ کی کھیر، کریم، مارجرین، ڈبہ بند اور پری پیکیجڈ گوشت، تیارشدہ مکھن اور پنیر وغیرہ بھی شامل ہیں۔

دودھ یا دودھ پر مشتمل چیزوں کے پرہیز کرنے سے دودھ کی الرجی کا امکان کم ہوجاتا ہے، لہٰذا دودھ کی الرجی والے افراد اور ان بچوں کے والدین جن کے بچے الرجی میں مبتلا ہیں، انہیں کھانے کے لیبل احتیاط سے پڑھنا چاہئے۔دودھ پروٹین بہت سارے کھانوں میں پائے جاتے ہیں، بشمول تمام دودھ کی مصنوعات، ڈبہ بند دودھ، چٹنی، گوشت اور دیگر دودھ والی مصنوعات میں کیسین شامل ہوسکتا ہے۔

علاج

دودھ کی الرجی سے بچنے کا واحد حل دودھ اور دودھ کی مصنوعات سے بچنا ہے یہ اس کا تسلیم شدہ علاج ہے۔دودھ کی الرجی والے افراد پنیر، کسٹرڈ اور آئس کریم کھانے سے بھی پرہیز کریں۔ خاص طور پر چونکہ دودھ کی الرجی بچوں کے لیے کھانے کی الرجی کی سب سے عام قسم ہے، اور یہ بالغوں میں کھانے کی الرجی کی دوسری عام قسم ہے۔ بچوں میں دودھ کی الرجی نسبتاً عام بات ہے، بعض اوقات تو بہت کم عمری میں بھی یہ ہوجاتی ہے اور جوانی تک برقرار رہتی ہے، کبھی کبھار یہ زندگی بھر بھی رہتی ہے۔

بڑوں میں الرجی

بڑوں میں عمر بڑھنے کے ساتھ ان کے جسم میں جو تبدیلیاں آرہی ہیں اس کے نتیجے میں وہ الرجی میں مبتلا ہوسکتے ہیں۔ اس کا مطلب یہ ہے کہ جسم کا نظام ہاضمہ اب درست نہیں رہا، جس کی وجہ سے پیٹ میں انزائم لییکٹیز کی کمزور پیداوار ایک بڑی وجہ ہے جو بالغوں میں دودھ کی الرجی کا باعث بنتی ہے، کیوں کہ یہ لییکٹوز کی خرابی کی ذمہ دار ہے۔

یہ مادہ جسم میں دودھ کو ہضم کرنا ناممکن بنا دیتا ہے، جس سے دودھ پیتے وقت پیٹ میں درد ہوتا ہے، یا زہر خورانی کا سامنا ہوتا ہے، یا آنتوں میں انفیکشن ہوجاتا ہے۔اس کے علاوہ متعدد نقصان دہ دوائیں استعمال کرنا ایک عام وجہ ہے جو بالغوں میں دودھ سے الرجی پیدا کرتی ہیں، اور یہ کچھ پیچیدگیوں کی وجہ سے ہوتی ہے جو ایک مخصوص دوا لینے کے وقت پیش آتی ہے جو کبھی کبھی آنت اور پیٹ کو متاثر کرتی ہے۔

Raheemi Shifa Khana(Ayurvedic & Unani Clinic)#248, 6th Cross, Gangondanahalli Main Road,Near Chandra Layout, Bangalore-560039 Phone : 080-23180000/23397836