سام سنگ فون استعمال کر رہے ہیں؟ حکومت نے جاری کیا الرٹ -فوری طور پر اپ ڈیٹ کریں۔

نئی دہلی :(اردودنیانیوز.کام/ایجنسیز) سام سنگ اسمارٹ فون استعمال کرنے والے کروڑوں لوگوں کے لیے حکومت کی جانب سے الرٹ آیا ہے۔ حکومت نے یہ الرٹ ہندوستان میں سام سنگ اسمارٹ فون استعمال کرنے والے صارفین کے لیے جاری کیا ہے۔ ایسے صارفین سے کہا گیا ہے کہ وہ اپنے اسمارٹ فونز کو فوری طور پر اپ ڈیٹ کریں۔بھارت کی کمپیوٹر ایمرجنسی رسپانس ٹیم یعنی CERT-In (indian computer emergency response team ) نے سام سنگ کے صارفین سے کہا ہے کہ وہ سیکورٹی خطرات کا حوالہ دیتے ہوئے اپنے اسمارٹ فونز کو اپ ڈیٹ کریں۔ یہ الرٹ سام سنگ اسمارٹ فونز کے ان صارفین کے لیے ہے، جن کے فونز اس وقت اینڈرائیڈ 11، 12، 13 یا 14 ورژن پر چل رہے ہیں۔ ایجنسی کا کہنا ہے کہ اینڈرائیڈ 11، 12، 13، 14 پر چلنے والے سام سنگ فونز میں کچھ مسائل ہیں جن کی وجہ سے حملہ آور آپ کے فون کو آپ کے علم میں لائے بغیر مداخلت کرسکتا ہے۔

CERT-In کی طرف سے جاری کردہ الرٹ ہائی رسک وارننگ کے زمرے کا ہے۔ اس کا مطلب ہے کہ اگر آپ اینڈرائیڈ ورژن 11 سے 14 پر بھی سام سنگ اسمارٹ فون چلا رہے ہیں تو آپ کو اس وارننگ کو بالکل بھی ہلکا نہیں لینا چاہیے۔ ایسے تمام صارفین کو حکومتی الرٹ پر فوری ایکشن لینا چاہیے اور اپنے اسمارٹ فونز کو اپ ڈیٹ کرنا چاہیے۔ بصورت دیگر، آپ کے اسمارٹ فون سے حساس معلومات چوری کی جا سکتی ہیں۔

وارننگ کے مطابق متعلقہ اینڈرائیڈ ورژن والے سمارٹ فونز میں پائی جانے والی خامیوں کی وجہ سے حملہ آور سیکیورٹی پابندیوں کو نظرانداز کر کے حساس معلومات کا سرقہ کرسکتےہیں ۔ نیز حملہ آور ٹارگٹڈ سسٹم پر کوڈ پر عمل درآمد کر سکتا ہے۔ اس کی وجہ سے کئی سنگین مسائل پیدا ہو سکتے ہیں جن میں فیچر تک رسائی کنٹرول، چہرے کی شناخت کا سافٹ ویئر، اے آر ایموجی ایپ میں اجازت کا مسئلہ، میموری کرپٹ ہونا۔CERT-In کے مطابق، اگر کوئی حملہ آور کسی ڈیوائس کو نشانہ بناتا ہے، تو وہ SIM PIN تک رسائی حاصل کر سکتا ہے، براڈکاسٹ بھیج سکتا ہے، AR Emoji کا سینڈ باکس ڈیٹا پڑھ سکتا ہے، سسٹم کا وقت تبدیل کر سکتا ہے اور Knox Guard لاک کو فیل کرسکتاہے۔ پرسنل فائلوں تک رسائی حاصل کر سکتا ہے۔ اس خطرے سے متاثر ہونے والے اسمارٹ فونز میں Galaxy S23 سیریز، Galaxy Z Flip5، Galaxy Z Fold5 وغیرہ نمایاں ہیں۔