گوگل کے سی او کی پشیمانی : گوگل کے 12 ہزار ملازمین کو فارغ کرنے کا عمل ٹھیک نہیں تھا

سان فرانسسکو،16دسمبر :(اردودنیانیوز.کام/ایجنسیز) گوگل کی جانب سے 12000 ملازمین کو فارغ کرنے کے اعلان کے تقریباً ایک سال بعد الفا بیٹ اور گوگل کے سی ای او سندر پچائی نے کہا ہے کہ جس طرح سے انہوں نے متاثرہ ملازمین کو آگاہ کیا وہ ’صحیح نہیں تھا۔‘ انسائیڈر کی رپورٹ کے مطابق منگل کو ہونے والی آل پارٹی میٹنگ میں پچائی سے اتنے ملازمین کو برطرف کرنے کے فیصلے کے بارے میں پوچھا گیا۔ایک ملازم نے پچائی سے پوچھا کہ ایک سال ہو گیا جب ہم نے اپنی افرادی قوت کو کم کرنے کا مشکل فیصلہ کیا۔ اس فیصلے سے ہماری ترقی اور حوصلے پر کیا اثر پڑا ہے؟ا س کے جواب میں سی ای او نے کہا کہ برطرفی کا واضح طور پر حوصلے پر بڑا اثر پڑا، یہ گوگل جیسٹ میں تبصروں اور تاثرات سے ظاہر ہوتا ہے۔

گوگل جسٹ کمپنی کا ایک اندرونی سروے ہے جو پروڈکٹ فوکس، اور معاوضہ جیسے موضوعات پر ملازمین کے اطمینان کا تخمینہ کرتا ہے۔ پچائی نے کہا کہ کسی بھی کمپنی کے لیے اس سے گزرنا مشکل ہے۔ گوگل پر ہم نے واقعی 25 سالوں میں ایسا لمحہ نہیں دیکھا۔انہوں نے کہاکہ یہ واضح ہو گیا کہ اگر ہم نے ایکشن نہ لیا ہوتا تو یہ مستقبل میں اور بھی برا فیصلہ ہوتا، یہ کمپنی کے لیے بہت بڑا بحران ہوتا، میرے خیال میں یہ دنیا میں ایک بڑی تبدیلی والے اس طرح کے سال میں شعبوں میں سرمایہ کاری کرنے کی صلاحیت پیدا کرنا بہت مشکل ہوتا۔عہدیداران سے یہ بھی پوچھا گیا کہ کیا ان کے پاس اس بارے میں کوئی آئیڈیا ہے کہ برطرفیوں کو کیسے قابو کیا جائے؟ پچائی نے تسلیم کیا کہ کمپنی نے اسے اس طرح نہیں سنبھالا جیسا کہ اسے ہونا چاہیے تھا۔

رپورٹ میں ذکر کیا گیا ہے کہ پچائی نے خاص طور پر کہا کہ ٹائم زون سے قطع نظر تمام متعلقہ ملازمین کو ایک ہی وقت میں مطلع کرنا اچھا خیال نہیں ہے۔انہوں نے کہاکہ ظاہر ہے کہ یہ ایسا کرنے کا صحیح طریقہ نہیں ہے۔ میرے خیال میں یہ وہ چیز ہے جو ہم یقینی طور پر مختلف طریقے سے کر سکتے تھے۔