مصر کے معروف موسیقار ہانی فرحات کو سعودی شہریت کا اعزاز

الریاض، 2 جنوری:(اردودنیانیوز.کام/ایجنسیز) مصری موسیقار ہانی فرحات نے سعودی شہریت نائٹ آف عرب اسٹارز کی تقریب کے دوران حاصل کی جو مملکت میں سال نو کے موقع پر منعقد کی گئی تھی۔ انہیں مملکت کی انٹرٹین مینٹ اتھارٹی کے سربراہ مشیر ترکی آل الشیخ نے شہریت کی اسناد حوالے کیں۔موسیقار ہانی فرحات نے اس موقعے پر کہا کہ سعودی عرب، خادم حرمین شریفین شاہ سلمان بن عبدالعزیز، ولی عہد اور وزیراعظم شہزادہ محمد بن سلمان اور تفریحی اتھارٹی کے سربراہ ترکی آل الشیخ کے وہ بے حد مشکور ہیں جنہوں نے ہمیشہ آرٹ اور آرٹسٹوں کی قدر کی۔موسیقار ہانی فرحات کو مصر اور عرب دنیا کے سب سے اہم موسیقاروں میں شمار کیا جاتا ہے۔ انہوں نے بہت سے بڑے کنسرٹس میں مصر اور عرب دنیا کی نمائندگی کی۔ہانی فرحات 13 اگست 1971ء کو پیدا ہوئے۔ انہوں نے کنزرویٹور میں تعلیم حاصل کی۔انھوں نے بڑے ستاروں کے لیے بڑی تعداد میں گانے تقسیم کیے۔

انہوں نے عمر دیاب کے لیے قالی الوداع اور البم ٹیچ مائی ہارٹ سر فہرست ہیں۔ انہوں نے ہر ایک عظیم گلوکاروں کے ساتھ مل کر کئی گیت گائے۔انہوں نے لالیسا، سمیرہ سعید، راغب علامہ، صابر الرباعی، عبدالمجید عبداللہ، لطیفہ، دیانا حداد، محمد عبدہ، رابح صقر، عبداللہ الرویشد، نوال، احلام اور کئی دوسرے موسیقاروں کے ساتھ مل کر گایا۔ہانی فرحات کا تازہ ترین گاناقول حاضر اور ’حلاوی الدنیا‘ جیسے گانے ہیں ،جنہیں انہوں نے شیرین عبدالوہاب کے ساتھ گایا۔