توہین آمیز تبصروں پر امریکی نوجوان کا 27 خواتین کیخلاف 75ملین ڈالر ہرجانے کا دعویٰ

نیویارک، 22جنوری :(اردودنیانیوز.کام/ایجنسیز) امریکی شہر شکاگو سے تعلق رکھنے والے ایک نوجوان امریکی نے 27 خواتین کیخلاف 75 ملین ڈالر ہرجانے کا مقدمہ دائر کیا ہے۔ اس نے یہ مقدمہ سماجی رابطوں کی ویب سائٹ ’فیس بک‘ پراس کے بارے میں منفی تبصرے پوسٹ کے الزامات پر کیا گیا ہے۔بتیس سالہ نیکو ڈی ایمبروسیو نے کہا کہ ان کی ساکھ اس وقت داغدار ہوئی جب متعدد خواتین نے اس سے ڈیٹنگ کرنے کا دعویٰ کیا کہ ان کیاس کے ساتھ تجربات منفی تھے۔ ایک نجی فیس بک گروپ کے ذریعے انہوں نے کہا کہ،کیا ہم ایک ہی آدمی سے ملتی رہی ہیں؟۔ یہ گروپ نیویارک میں قائم کیا گیا تھا ؛لیکن اس کے بعد سیاس کی شاخیں دوسرے شہروں میں پھیلیں۔خواتین بنیادی طور پر اس گروپ کو مردوں کے ساتھ اپنے تجربات شیئر کرنے اور مشورہ لینے کے لیے استعمال کرتی ہیں۔

ڈی امبروسیو کے ساتھ اپنے تجربات کے بارے میں درجنوں خواتین نے تضحیک آمیز تبصرے لکھے۔ ان تبصروں میں اسے بنیاد پرست، بدسلوکی کا مرتکب اور دیگر الفاظ کا استعمال کیا گیا۔امریکی مرد کے مقدمے میں مذکورہ فیس بک گروپ اور سوشل نیٹ ورک کی پیرنٹ کمپنی کے ماڈریٹرز کے علاوہ خواتین کو75 ملین ڈالرہرجانے کا دعویٰ کیا گیا ہے۔ابتدائی طور پر ایک خاتون نے ڈی ایمبروسیو کے بارے میں فیس بک گروپ پر پوسٹ میں کہا کہ اس نے اسے ڈیٹ کیا ہے اور کہا ہے کہ اس نے اس کے پیسے کی دھوکہ دہی کی۔عورت کے الفاظ نے دوسری خواتین کے اسی طرح کے تبصروں کو جنم دیا ،جنہوں نے اس کے ساتھ اپنے تجربات کو تفصیل سے بیان کیا۔ڈی ایمبروسیو نے اعتراف کیا کہ اس نے اس خاتون کو ڈیٹ کیا جس نے اس کے بارے میں پہلا تبصرہ پوسٹ کیا تھا۔

اب وہ مذکورہ فیس بک گروپ میں دیگر خواتین پر اس کے بارے میں جھوٹ پھیلانے کا الزام لگا رہا ہے تاکہ اسے بدنام کرنے کی کوشش کی جا سکے۔نوجوان کے وکلاء کا کہنا تھا کہ مدعا علیہان کے رویے کے نتیجے میں اسے بدنامی اور رازداری پر حملے کا نشانہ بنایا گیا۔اس لیے وہ بھاری مالی معاوضے کا مطالبہ کر رہا ہے۔ڈی ایمبروسیو نے کہا کہ فیس بک گروپ پر ان کی ذاتی تصاویر شیئر کرنا اور متعدد منفی تبصروں کا نشانہ بننا ان کی ذاتی تذلیل، ذہنی اذیت، جذباتی پریشانی، تناؤ، پریشانی اور پیسے کے نقصان کا سبب بنا ہے۔