وزیر اعظم نے پڈوچیری میں مختلف ترقیاتی منصوبوں کا افتتاح کیااورسنگ بنیادرکھا

نئی دہلی: (اردودنیا.اِن)وزیراعظم نریندر مودی نے چار لائن والی قومی شاہراہ 45- اے کا سنگ بنیاد رکھا جو ضلع کرائکال اور کرائکال نیو کیمپس فیز- 1 میں ضلع کرائکل میں میڈیکل کالج کی عمارت کا احاطہ کرتا ہے۔ انہوں نے ساگرمالا اسکیم کے تحت پڈوچیری میں مائنر پورٹ کی ترقی اور پڈوچیری میں ہی اندرا گاندھی اسپورٹس کمپلیکس میں مصنوعی ایتھلیٹک ٹریک کا سنگ بنیاد بھی رکھا۔

پڈوچیری میں الیکشن ہے اوروہاں کانگریس کی سرکارگرگئی ہے۔فی الحال زیادہ توجہ بنگال،آسام،کیرل،پڈوچیری،تمل ناڈوجیسی ریاستوں پرہے جہاں الیکشن ہونے والاہے۔مسٹر مودی نے پڈوچیری میں جواہر لال انسٹیٹیوٹ آف پوسٹ گریجویٹ میڈیکل ایجوکیشن اینڈ ریسرچ (جے آئی پی ایم ای آر) اور خواتین ایتھلیٹوں کے لئے پڈو چیری کے لاوسیپٹ میں 100 بستروں والے لڑکیوں کے ہاسٹل کا افتتاح کیا۔ انہوں نے از سر نو تعمیر شدہ ہیریٹیج میری بلڈنگ کا بھی افتتاح کیا۔

پڈوچیری سادھو سنتوں ، عالموں ، شاعروں اور انقلابیوں کی سرزمین رہی ہے

وزیر اعظم نے کہا کہ پڈوچیری کی یہ سرزمین سادھوسنتوں ، اسکالروں اور شاعروں اور سبرانیم بھارتی اور شری اروبندو جیسے انقلابیوں کی سرزمین ہے۔کثرت کی علامت کے طور پر پڈوچیری کی تعریف کرتے ہوئے انہوں نے کہا یہاں لوگ مختلف زبانیں بولتے ہیں ،

مختلف عقائد پر عمل کرتے ہیں لیکن ایک ہو کر رہتے ہیں۔دوبارہ تعمیر ہونے والی میری بلڈنگ کا افتتاح کرتے ہوئے وزیر اعظم نے کہا کہ یہ عمارت پرومینڈ کی ساحل کی خوبصورتی میں اضافہ کرے گی اور مزید سیاحوں کو راغب کرے گی۔وزیر اعظم نے کہاہے کہ پچھلے سات برسوں میں ہندوستان نے صحت اور تندرستی کو بہتر بنانے کے لئے بہت ساری کوششیں کی ہیں کیونکہ معاشی خوشحالی اچھی صحت سے انتہائی قربت کے ساتھ جڑی ہوئی ہے۔

اس تناظر میں اس نے کھیلو انڈیا سکیم کے ایک حصے کے طور پر کھیلوں کے کمپلیکس میں 400 میٹر مصنوعی ایتھلیٹک ٹریک کا سنگ بنیاد رکھا۔ اس سے ہندوستان کے نوجوانوں میں کھیلوں کی صلاحیتوں کو تحریک ملے گی۔

انہوں نے کہا کہ پڈوچیری میں کھیلوں کی اچھی سہولیات سے ، اس ریاست کے نوجوان قومی اور عالمی کھیلوں کے مقابلوں میں کامیابی حاصل کرسکتے ہیں۔ انہوں نے بتایا کہ آج لاسپیٹ میں تعمیر شدہ 100 بستروں والے گرلز ہاسٹل میں ہاکی ، والی بال ، ویٹ لفٹنگ، کبڈی اور ہینڈ بال کھلاڑیوںکو رہنے کی سہولت دی جائے گی جنہیں اسپورٹس اتھارٹی آف انڈیاکے کوچوں کے ذریعہ تربیت دی جائے گی۔

وزیراعظم نے کہاہے کہ معیاری ہیلتھ کیئر کے فروغ کے لیے ہمیں معیاری صحت کے پیشہ وروں کی ضرورت ہے۔

اس سلسلے میں کرائکل کے نئے کیمپس میں میڈیکل کالج کی عمارت کے پہلے مرحلہ کے پروجیکٹ کی شروعات کی گئی ہے۔ اس ماحول دوست احاطہ میں ایم بی بی ایس کے طلباء کو پڑھانے کے لیے تمام جدید تدریسی سہولیات موجود ہوں گی۔ساگرمالا اسکیم کے تحت پڈوچیری پورٹ ڈیولپمنٹ کا سنگ بنیاد رکھتے ہوئے وزیراعظم نے امید ظاہر کی کہ ایک مرتبہ مکمل ہوجانے کے بعد یہ ہمارے ماہی گیروں کی مدد کرے گا ، جو مچھلی پکڑنے کے لیے سمندر میں جانے کے لیے اس بندر گاہ کا استعمال کرتے ہیں۔

یہ چنئی کو سمندر تک کنکٹی وٹی فراہم کرے گا۔ یہ پڈوچیری کی صنعتوں کے لیے کارگو کی نقل و حمل میں آسانی پیدا کرنے کے علاوہ چنئی بندرگاہ کا بوجھ بھی کم کرے گا۔یہ ساحلی شہروں کے درمیان مسافروں کے آنے جانے کے امکانات کی راہ بھی ہموار کرے گا۔