گجرات :ریاستی بورڈ کے 9200 اساتذہ پر 1.54 کروڑ روپے کا جرمانہ

احمد آباد، 7فروری :(اردودنیانیوز.کام/ایجنسیز) گجرات بورڈ نے امتحانات کی کاپی چیکنگ میں غلطیاں کرنے پر 9 ہزار سے زائد اساتذہ پر 1.54 کروڑ روپے کا جرمانہ عائد کیا ہے۔گجرات میں 10ویں اور 12ویں جماعت کے بورڈ امتحانات کی جوابی پرچوں کی جانچ کے دوران غلطی کرنے پر دو سالوں میں 9,218 اساتذہ پر 1.54 کروڑ روپے کا جرمانہ عائد کیا گیا۔ گجرات کے ان اساتذہ کے ذریعہ 10ویں اور 12ویں جماعت کی جوابی پرچوں میں رکھے گئے نمبروں کی کل تعداد میں غلطی پائی گئی۔ریاستی وزیر تعلیم نے اسمبلی کو یہ اطلاع دی۔ گجرات اسمبلی میں کانگریس کے ایم ایل اے کریت پٹیل نے پوچھا کہ دسویں اور بارہویں جماعت کے جوابی پرچے کی جانچ میں غلطی کرنے والے اساتذہ کی تعداد کتنی ہے؟ اس پر کتنا جرمانہ ہوا؟ کتنے اساتذہ نے جرمانہ ادا کیا؟ اساتذہ نے جرمانہ ادا نہ کیا تو حکومت نے کیا اقدامات کیے؟

وقفہ سوالات کے دوران کانگریس ایم ایل اے کریت پٹیل کے اس سوال کا جواب دیتے ہوئے ریاستی وزیر تعلیم نے اعتراف کیا کہ کم از کم 9,218 اساتذہ – 10ویں جماعت کے 3,350 اور 12ویں جماعت کے 5,868 اساتذہ نے سال 2022 اور 2023 کے بورڈ امتحانات کے لیے جوابی پرچوں کی تشخیص کے دوران نمبروں کے حساب کتاب میں غلطیاں ہوئیں۔ایوان میں پیش کیے گئے تحریری جواب کے مطابق ریاستی حکومت نے ان اساتذہ پر 1.54 کروڑ روپے کا جرمانہ عائد کیا۔اوسطاً فی ٹیچر پر تقریباً 1600 روپے جرمانہ عائد کیا گیا۔دسویں کے 787 اور 12ویں کے 1870، کل 2657 اساتذہ نے 50.97 لاکھ روپے جرمانہ ابھی تک ادا نہیں کیا۔ محکمہ تعلیم کی جانب سے ان تمام اساتذہ کو نوٹس بھی دیئے گئے ہیں اور اس بات کو یقینی بنانے کے لیے کہ مستقبل میں ایسی غلطیاں نہ ہوں، حکومت نے اب جوابی پرچوں کی جانچ کے لیے ایک تصدیق کنندہ کا تقرر کیا ہے۔

گجرات بورڈ آف سیکنڈری اینڈ ہائر سیکنڈری ایجوکیشن نے ٹول فری ہیلپ لائن نمبر 1800 233 5500 کا اعلان کیا ہے۔مارچ-2024 میں ہونے والے 10ویں اور 12ویں جماعت کے بورڈ امتحانات کے لیے ایک ٹول فری ہیلپ لائن کا اعلان کیا گیا ہے۔ کلاس 10 اور کلاس 12 کے بورڈ امتحانات کے لیے طلباء، والدین اور اسکولوں کی رہنمائی کے لیے ایک ٹول فری ہیلپ لائن کا اعلان کیا گیا ہے۔ یہ ٹول فری نمبر 8 فروری سے 26 مارچ 2024 تک کام کرے گا۔ ہیلپ لائن کے اوقات صبح 10 بجے سے شام 6 بجے تک ہیں۔