13 سالہ لڑکے کی 12 سال کی لڑکی سے شادی ہونے جا رہی ہے ،سوشل میڈیا پر موضوع بحث
13 سالہ جوڑے کی جلد شادی کے لیے ویڈیو وائرل ہو رہی ہے
کراچی:(اردودنیانیوز.کام/ایجنسیز) پاکستان سے ایک حیران کن معاملہ سامنے آیا ہے جس میں 13 سالہ لڑکے اور 12 سالہ لڑکی کی شادی ہونے جا رہی ہے۔ دو نابالغوں کی منگنی کی ویڈیو بھی سوشل میڈیا پر وائرل ہو رہی ہے جسے دیکھ کر لوگ حیرت کا اظہار کر رہے ہیں۔ بہت سے لوگ اس پر ناراضگی کا اظہار کر رہے ہیں۔
سلام پاکستان کے ہینڈل سے انسٹاگرام پر ایک ویڈیو شیئر کی گئی ہے جس میں دو نوعمرجوڑا نظر آ رہاہے۔ لڑکے نے پگڑی باندھی ہوئی ہے اور لڑکی دلہن کی طرح ملبوس دکھائی دے رہی ہے۔ اس ویڈیو کے ساتھ کیپشن میں لکھا ہے – ایک 13 سالہ جوڑے کی جلد شادی کے لیے ویڈیو وائرل ہو رہی ہے۔ کیا 13 سال کی عمر شادی کے لیے کافی ہے؟ آپ کی رائے کیا ہے؟
آپ کو بتاتے چلیں کہ سوشل میڈیا پر سامنے آنے والی خبروں کے مطابق ویڈیو میں نظر آنے والے نوجوان نے اپنے اہل خانہ کو الٹی میٹم جاری کیا تھا، جس میں اس نے کہا تھا کہ وہ اپنی تعلیم تب ہی جاری رکھے گا جب وہ شادی کر لے گا۔ اس کے بعد دونوں خاندان اپنے بچوں کی شادی پر راضی ہو گئے اور بڑے دھوم دھام سے ان کی منگنی کرائی۔
منگنی کی اس تقریب میں دونوں بچوں کی والدہ نے میڈیا سے گفتگو کرتے ہوئے اسے درست فیصلہ قرار دیا۔ حیران کن بات یہ ہے کہ لڑکی کی والدہ جنہوں نے خود 16 سال کی عمر میں شادی کی تھی، نے اپنے تجربے کا حوالہ دیتے ہوئے اپنی بیٹی کی کم عمری کی شادی کو درست سمجھا۔ اسی طرح 25 سال کی عمر میں شادی کرنے کے باوجود لڑکے کی ماں نے اپنے بیٹے کی اتنی کم عمر میں شادی کی خواہش کو درست قرار دیا۔وہیں والد نے کہا کے بچے آگے چل کر غلط راستے پر بھٹکنے سے بچ جائیں گے۔
یہ ویڈیو سوشل میڈیا پر بہت تیزی سے شیئر کیا جا رہا ہے۔ اس شادی کے حوالے سے سوشل میڈیا صارفین پاکستان اور بچوں کے خاندان پر کڑی تنقید کر رہے ہیں۔ ایک صارف نے لکھا یہ ملک واقعی برباد ہو گیا ہے بھائی، کم از کم پڑھائی شروع کر دو۔’ دوسرےنے لکھا: ‘والدین کے خلاف اس کے لیے مقدمہ چلایا جانا چاہیے۔
ایک اور نے لکھا، ‘صرف اس بچے کی منگنی ہوئی ہے۔ اس کے والد کی حالت تشویشناک ہے اور ان کا ایک ہی بیٹا ہے۔ یہ تقریب ان کے والد کی خوشی کے لیے منعقد کی گئی ہے۔
View this post on Instagram
پاکستان میں شادی کی کم از کم عمر مردوں کے لیے 18 سال اور خواتین کے لیے 16 سال ہے۔ اگرچہ صوبہ سندھ نے 2013 میں مرد اور عورت دونوں کے لیے شادی کی کم از کم عمر 18 سال کرنے کا قانون منظور کیا تھا، لیکن اس تبدیلی کو ملک بھر میں نافذ نہیں کیا گیا۔ بین الاقوامی سطح پر مردوں اور عورتوں کی شادی کی کم از کم عمر 18 سال ہے۔ لیکن اس کیس نے بہت سی قانونی پابندیوں کے باوجود کم عمری کی شادی کے جاری رہنے کے مسئلے کو اجاگر کیا ہے۔
