وزیراعلیٰ کجریوال ابھی جیل میں ہی رہیں گے

نئی دہلی ،19جون :(اردودنیانیوز.کام/ایجنسیز)دہلی کے وزیر اعلی اروند کجریوال ابھی جیل میں ہی رہیں گے، سی ایم کیجریوال کی عدالتی حراست میں 3 جولائی تک توسیع کر دی گئی ہے۔ قبل ازیں عدالت نے مبینہ ایکسائز پالیسی گھوٹالہ سے متعلق منی لانڈرنگ کیس میں دہلی کے وزیر اعلی اروند کیجریوال کو عبوری ضمانت دینے سے انکار کر دیا تھا۔ عدالت نے کیجریوال کی عدالتی حراست میں بھی 19 جون تک توسیع کر دی تھی۔ راؤس ایونیو کورٹ نے شراب پالیسی کیس میں دہلی کے وزیر اعلی اور عام آدمی پارٹی کے کنوینر اروند کیجریوال کی عدالتی حراست میں توسیع کر دی تھی۔عدالت میں داخل کی گئی چارج شیٹ میں انفورسمنٹ ڈائریکٹوریٹ (ای ڈی) نے کہا تھا کہ راجدھانی میں شراب کی تجارت میں سرمایہ کاری کے عوض پنجاب کے تاجروں سے بھی رشوت لی گئی تھی۔ انہوں نے یہ بھی کہا تھا کہ عام آدمی پارٹی (اے اے پی) کے حکمران پنجاب کے تاجر جنہوں نے رشوت نہیں دی تھی، انہیں پڑوسی ریاست میں شراب کے کاروبار میں سرمایہ کاری کرنے کی اجازت نہیں تھی۔

پہلی بار کسی سیاسی جماعت کے خلاف منی لانڈرنگ کی روک تھام ایکٹ کے تحت مقدمہ درج کیا گیا ہے۔دہلی کے وزیر اعلی اروند کیجریوال نے سپریم کورٹ کی طرف سے دی گئی تاریخ کے مطابق خودسپردگی کی تھی۔ سی ایم کیجریوال نے راج گھاٹ، ہنومان مندر اور پارٹی لیڈروں سے ملاقات کے بعد خودسپردگی کی۔ اس سے قبل، راؤس ایونیو کورٹ نے سی ایم اروند کیجریوال کی درخواست پر تہاڑ جیل انتظامیہ سے جواب طلب کیا تھا، جس میں ان کی صحت اور علاج کا تعین کرنے کے لیے بنائے گئے میڈیکل بورڈ میں ان کی اہلیہ کو ویڈیو کانفرنس کے ذریعے شرکت کرنے کی اجازت مانگی گئی تھی۔

عدالت نے انفورسمنٹ ڈائریکٹوریٹ (ای ڈی) کی اس معاملے میں جواب داخل کرنے کی دلیل کو مسترد کردیا اور کہا کہ کجریوال عدالتی حراست میں ہیں۔ایسے میں ای ڈی درخواست پر اعتراض نہیں کر سکتا۔ ایڈیشنل سیشن جج مکیش کمار نے کہا تھا کہ ملزم نے اپنی بیوی کو میڈیکل بورڈ میں شامل ہونے کی اجازت دینے کی ہدایت مانگی ہے۔ کوئی حکم دینے سے پہلے میں متعلقہ جیل سپرنٹنڈنٹ سے جواب طلب کرنا مناسب سمجھتا ہوں۔ سماعت کے دوران عدالت نے ای ڈی سے کہا تھا کہ کیجریوال عدالتی حراست میں ہیں، ای ڈی کی حراست میں نہیں۔ اگر انہیں کسی ریلیف کی ضرورت ہے تو آپ کا کوئی کردار نہیں ہے۔