اسرائیل لبنان میں سویلین کے جانی نقصان سے گریز کرے:بائیڈن
واشنگٹن،10اکتوبر (اردودنیانیوز.کام/ایجنسیز)
امریکی صدر جو بائیڈن نے ایک فون کال کے دوران اسرائیلی وزیر اعظم نیتن یاہو سے کہا ہے کہ وہ لبنان خاص طور پر بیروت میں شہریوں کو پہنچنے والے نقصان کو کم کریں۔ساتھ ہی انہوں نے حزب اللہ کے خلاف اسرائیلی کارروائی کی حمایت پر بھی زور دیا۔امریکی ایوان صدر نے ایک بیان میں کہا ہے کہ بائیڈن اور نیتن یاہو نے آنے والے دنوں میں براہ راست اور قومی سلامتی کے مشیروں کی اپنی ٹیموں کے ذریعے قریبی رابطے میں رہنے پر اتفاق کیا ہے۔
انہوں نے ایران کی طرف سے کیے گے بیلسٹک میزائل حملوں کے بعد اسرائیل کی ممکنہ جوابی کارروائی پر بھی بات کی تاہم اس کی تفصیلات منظرعام پر نہیں آئیں۔کہ ایران کی طرف سے اسرائیل پر میزائل حملے کے متوقع ردعمل کے بارے میں۔ اس اکتوبر کے بیان میں متوقع اسرائیلی ردعمل کے حوالے سے کوئی تفصیلات شامل نہیں کی گئیں۔
بیان کے مطابق بائیڈن جنہوں نے سات ہفتوں سے نیتن یاہو سے براہ راست بات نہیں کی تھی نے ایک ایسے سفارتی حل تک پہنچنے کی ضرورت پر زور دیا جس سے شمالی اسرائیل اور جنوبی لبنان دونوں میں شہری آبادی کو اپنے گھروں کو واپس جانے کا موقع ملے۔وائٹ ہاؤس کے مطابق صدر بائیڈن نے غزہ کے حوالے سے اسرائیلی وزیر اعظم سے ماس کے زیر حراست یرغمالیوں کی رہائی کے لیے سفارتی کام دوبارہ شروع کرنے کی ضرورت پر تبادلہ خیال کیا۔
لبنان میں اقوام متحدہ کے خصوصی رابطہ کار نے بدھ کے روز اعلان کیا کہ امریکہ اور فرانس کی طرف سے اسرائیل اور حزب اللہ کے درمیان 21 روزہ جنگ بندی کا مطالبہ ابھی تک میز پر ہے، تاکہ اقوام متحدہ کی سلامتی کونسل کی قرارداد پر عمل درآمد کا راستہ تلاش کیا جا سکے۔ جس کی دونوں فریق برسوں سے خلاف ورزی کر رہے ہیں۔
اقوام متحدہ کا امن مشن سلامتی کونسل کی قرارداد 1701 کے تحت ایک مینڈیٹ پر کام کررہا ہے۔ یہ مشن سنہ 2006ء سے کام کررہا ہے۔ اس کا مقصد لبنانی فوج کی اسرائیل کے ساتھ اپنی جنوبی سرحد کو ہتھیاروں یا عسکریت پسندوں سے پاک رکھنے میں مدد فراہم کرتا ہے۔
