نابالغ کے ساتھ جنسی زیادتی کے الزام میں دو بچوں کی ماں گرفتار

ناسک :(اردودنیا.اِن/ایجنسیز) مہاراشٹر میں ایک طرف خواتین کو ہراساں کرنے کے واقعات میں اضافہ ہو رہا ہے۔ دوسری جانب کلیان سے ایک چونکا دینے والا واقعہ سامنے آیا ہے۔ یہاں ایک 32 سالہ خاتون نےنویں جماعت میں پڑھنے والے 15 سالہ نابالغ کو شراب کا عادی بنا دیا۔ اس کے بعد کئی بار اس کے ساتھ جسمانی تعلقات بنائے۔ خاتون ناسک کی رہنے والی ہے۔ دراصل، نابالغ کا کلیان ایسٹ میں ایک گھر ہے اور اس کی خالہ ناسک میں رہتی ہیں۔ نابالغ کی خالہ اکثر 32 سالہ خاتون پڑوسی کو اپنے ساتھ لاتی تھیں۔ جس کی وجہ سے دو بچوں کی ماں اور نابالغ پہلے سے ایک دوسرے سےواقف تھے۔

نابالغ جب بھی اپنی خالہ کے گھر جاتا، وہ خاتون سے ملتا۔ اس دوران خاتون نے نابالغ کو اپنی باتوں میں پھنسایا اور ایک دن اسے شراب پلائی اور اس نے لڑکے کو فحش ویڈیوز بھی دکھائیں۔اس کے بعد خاتون نے نابالغ کے ساتھ جنسی زیادتی کی اور اس کے ساتھ تعلقات استوار کرلئے۔

خاتون کے چنگل میں پھنسا نابالغ شراب کا عادی ہو گیا۔ وہ بھی نشے میں گھر آنے لگا۔ اس کے ساتھ ہی وہ پڑھائی سے دور ہوگیا۔لڑکادن بھر موبائل پر باتیں کرتا رہتا تھا۔اس کی ماں نے ایک دن اس کا موبائل چیک کیا۔ ماں نے جیسے ہی موبائل گیلری دیکھی تو وہ چونک گئی۔ ماں کو اس کے موبائل سے کئی ویڈیوز ملیں، جن میں وہ خاتون کے ساتھ تعلقات بناتا ہوا نظر آیا۔ نابالغ کی حرکات والےموبائل ویڈیوز دیکھ کر گھر والے حیران رہ گئے۔ پوچھنے پر اس نے ساری بات گھر والوں کو بتا دی۔

فوری گھر والوں نے نابالغ لڑکے کو بھیونڈی شہر کے چائلڈ امپروومنٹ ہوم میں داخل کرایا۔ یہاں لڑکے کی کئی بار کونسلنگ کی گئی۔ اس کے ساتھ ہی اہل خانہ نے ملزم خاتون کے خلاف کولسے واڑی تھانے میں بیٹے کے ساتھ جنسی زیادتی کا مقدمہ درج کرایا اور ثبوت کے طور پر ویڈیو زبھی پیش کیا۔ شکایت ملنے کے بعد پولیس نےخاتون کو گرفتار کر لیا ہے۔ پولیس کا کہنا ہے کہ خاتون کے خلاف بچوں کے جنسی استحصال ایکٹ کے تحت مقدمہ درج کر لیا گیا ہے۔ اس سلسلے میں مزید کارروائی کی جا رہی ہے۔