70 سالہ سعودی شخص 40 برس سے نہیں سویا

الریاض :(اردودنیانیوز.کام/ایجنسیز) سماجی رابطوں کی مختلف ویب سائٹس پر ان دنوں ایک 70 سالہ سعودی شخص نے سب کو حیرت میں مبتلا کیا ہوا ہے، جو گزشتہ تقریباً 4 دہائیوں سے جاگ رہا ہے۔سعودی عرب کے علاقے الباحہ کے رہائشی سعود بن محمد الغامدی Saud bin Muhammad Al-Ghamdi نے انکشاف کیا ہے کہ وہ گزشتہ تقربیاً 40 برسوں سے بے خوابی کا شکار ہیں۔انہوں نے سب سے پہلے یہ انکشاف 2018 میں کیا تھا تاہم حالیہ انٹرویو میں انہوں نے بتایا کہ ڈاکٹرز اب بھی ان کی بیماری کی تشخیص کرنے سے قاصر ہیں۔سعود بن محمد الغامدی کے مطابق وہ ذہنی طور پر بیمار ہیں اور نہ ہی انہیں کوئی ایسی پریشانی ہے جس کے باعث ان کی نیند ان سے روٹھ گئی ہو۔

انہوں نے یہ بھی واضح کیا ہے کہ ان پر کسی قسم کے جادو کے اثرات بھی نہیں ہیں تاہم انہوں نے ڈاکٹروں کے مشورے پر عمل کرتے ہوئے ذہنی تناؤ کا علاج بھی کروایا، اس کے علاوہ کئی شیخوں سے بھی رابطہ کیا اور اس حالت پر بات کی لیکن کوئی فائدہ نہیں ہوا۔

سعود بن محمد الغامدی کا کہنا ہے کہ انہوں نے باحیثیت فوجی میدان میں کام کیا ہے، فوج میں ابتدائی برسوں میں ایک مشن کے دوران تقریباً 20 دن تک بغیر نیند کے گزارے بعدازاں یہ مسئلہ مسلسل صورت اختیار کر گیا۔تاہم ان کا کہنا ہے کہ اس تکلیف اور اضطرابی کیفیت کے باوجود اچھی زندگی بسر کررہے ہیں اور اپنا کام بدستور کر رہے ہیں۔کچھ سوشل میڈیا صارفین نے اس انکشاف پر حیرانی کا اظہار کیا جب کہ کچھ نے کیسز کی صداقت پر سوال اٹھایا۔ایک ہمدرد صارف نے ٹوئٹر پر لکھا، ’’ہم خدا سے دعا گو ہیں کہ وہ انکے علاج میں کامیابی عطا فرمائے۔کسی اور صارف نے لکھا کہ وہ چینی کھانا اور چائے پینا چھوڑ دے، اور انشاء اللہ اسے اچھی نیند آئے گی۔ ایک اور نےلکھا، "اس آدمی کو مغرب میں علاج کے لیے بھیجیں، ڈاکٹروں اور ماہرین کےزیرنگرانی اس کی اچھی طرح جانچ پڑتال ہونی چاہیے۔