نئی دہلی، 23 اگست:(اردودنیا.اِن/ایجنسیاں)سپریم کورٹ نے سال 2015 میں ہریانہ کے فتح آباد گاؤں میں قتل اور ڈکیتی کے مجرم کو بری کر دیا ہے۔ سپریم کورٹ نے 76 سالہ #خاتون کے گھر میں #ڈکیتی اور #قتل کے #جرم میں سزا یافتہ عمر #قید کو کالعدم قرار دیا۔ سپریم کورٹ نے ملزم کو شک کا فائدہ دیتے ہوئے بری کر دیا۔ سپریم کورٹ نے ہریانہ حکومت کویہ پتہ لگانے کی ہدایت دی کہ آیا اس کا شریک ملزم ابھی جیل میں ہے، تاکہ اسے بھی جیل سے رہا کیا جا سکے۔
سپریم کورٹ نے کہا کہ وہ #غریب لوگ ہیں اور انہیں حراست میں کیوں رکھا جائے؟۔جسٹس یو یو للت اور جسٹس اجے رستوگی پر مشتمل سپریم کورٹ کی دو رکنی بنچ نے کہاکہ یہ غریب لوگ ہیں، انہیں اس طرح حراست میں کیوں رکھا جائے؟ وہ لیگل سروسز اتھارٹی کے ذریعے آئے تھے۔ دوسرا شخص زندہ ہے یا نہیں، ہم نہیں جانتے، غریب لوگ سپریم کورٹ نہیں آ سکتے۔در اصل راجارام اور چھندا رام کو فروری 2015 میں ہریانہ کے فتح آباد کے ناگپور گاؤں میں 76 سالہ خاتون کے قتل کے #جرم میں سزا سنائی گئی تھی۔
ٹرائل کورٹ نے اسے مجرم قرار دیا اور اسے عمر قید کی سزا سنائی اور ہائی کورٹ نے 2019 میں عمر قید کی سزا برقرار رکھی۔راجارام نے ہائی کورٹ کے حکم کے خلاف اپیل کے لیے جیل انتظامیہ کو #خط لکھا اور یہاں سے معاملہ ریاستی قانونی خدمات اتھارٹی کے ذریعے سپریم کورٹ لیگل سروسز کمیٹی تک پہنچا، جبکہ شریک ملزم چھندا رام نے اپنی سزا کے خلاف اپیل نہیں کی۔
غریبوں مقدمہ لڑنے کی مفت قانونی خدمات فراہم کرنے والی لیگل سروسز کمیٹی کی ایڈووکیٹ میناکشی وج نے راجارام کی جانب سے دلیل دی کہ کوئی گواہ نہیں تھا جس نے دونوں مجرموں کو خاتون کے گھر کے اندر جاتے دیکھا۔ ٹرائل کورٹ نے پڑوسیوں کے بیانات کی بنیاد پر سزا سنائی جنہوں نے کہا کہ مجرم گھر کے قریب گھوم رہے تھے، کوئی عینی شاہد نہیں تھا۔
یہ بھی بتایا گیا کہ پولیس نے قانونی عمل پر عمل نہیں کیا اور نہ ہی کسی آزاد گواہ کے سامنے لوٹی ہوئی اشیاء برآمد کی۔سپریم کورٹ نے کہا کہ کوئی آزاد گواہ نہیں تھا اور پورا کیس حالات پر مبنی #شواہد پر مبنی ہے، مجرم کو شک کا فائدہ دیا جائے، چونکہ وہ غریب ہیں، شاید وہ قانونی عمل سے آگاہ نہ ہوں۔
