پنکھے سے لٹکی بیٹے کی نعش برآمد،باپ نے بہو پر سنگین الزامات لگائے

مظفر پور :(اردودنیانیوز.کام/ایجنسیز) بہار کے مظفر پور میں ایک سنسنی خیز واقعہ سامنے آیا ہے۔ یہاں ایک نوجوان کی نعش پنکھے سے لٹکی ہوئی ملی۔ اطلاع ملتے ہی موقع پر لوگوں کی بھیڑ جمع ہوگئی۔ کسی نے گھر والوں کو واقعہ کی اطلاع دی۔ اہل خانہ کا الزام ہے کہ متوفی کیشو کی بیوی کنچن نے اسے قتل کیا اور نعش کو پنکھے سے لٹکا دیا۔ پولیس نے اس کی بیوی کو حراست میں لے کر پوچھ گچھ کی ہے۔ یہ واقعہ برہم پورہ تھانہ علاقہ کے برج بہاری لین میں پیش آیا۔متوفی کی شناخت کیشو کمار (32) کے طور پر کی گئی ہے۔

بتایا جا رہا ہے کہ کیشو ،پھولکاہن گاؤں کا رہنے والا ہے۔ وہ مظفر پور میونسپل کارپوریشن کے ریٹائرڈ ملازم راماشنکر سنگھ کا اکلوتا بیٹا تھا۔ ریٹائرمنٹ کے بعد ان کے والد راماشنکر سنگھ گاؤں میں رہتے ہیں۔ کیشو کی نوکری چھوٹ جانے کی وجہ سے وہ بچوں کو ٹیوشن دیا کرتا تھا۔ موتیہاری علاقے کی ایک لڑکی محبت کی شادی کے بعد اس کے ساتھ رہتی تھی۔لڑکی کا کہنا ہے کہ کیشو نے اس سے ڈیڑھ سال قبل شادی کی تھی۔کئی دنوں اس نے کوئی کام نہیں کیا۔ اسی وجہ سے دو دن پہلے جھگڑا ہوا تھا۔ جھگڑے کے بعد وہ برہم پورہ میں ایک جاننے والے کے گھر چلی گئی تھی۔ رات کو کیشو نے فون کیا اور کہا کہ اگر وہ نہیں آئی تو وہ خودکشی کر لے گا۔ لیکن وہ نہیں آئی، صبح معلوم ہوا کہ کیشو نے پنکھے سے لٹک کر خودکشی کر لی ہے۔جبکہ والد راما شنکر سنگھ کا کہنا ہے کہ کنچن کی عادتیں اچھی نہیں تھیں۔ اسی نے کیشو کو قتل کرایا۔ گھر والے دونوں کی شادی کے خلاف تھے۔ اس لیے دونوں کرائے کے مکان میں رہتے تھے۔ شادی کے کچھ دنوں بعد کیشو اور کنچن کے درمیان جھگڑے شروع ہوگئے۔ کیشو اس بات سے پریشان تھا۔

کیشو ایم آر کے لیے کام کرتا تھا۔ اس دوران اسکی ملاقات موتیہاری کی رہنے والی کنچن سے ہوئی۔ رفتہ رفتہ دونوں میں محبت ہو گئی۔ 2021 میں دونوں نے محبت کی شادی کر لی۔ تاہم گھر والوں نے اس شادی کی مخالفت کی۔ جھگڑے کی وجہ سے کیشو اور کنچن کرائے کے مکان میں رہنے لگے۔ برہما پورہ پولیس اسٹیشن کےانسپکٹر محمد اسلام نے بتایا کہ کیشو کے بہنوئی کی کال موصول ہونے کے بعد گشتی ٹیم کو برج بہاری لین روانہ کیا گیا۔نعش کو پوسٹ مارٹم کے لیے ایس کے ایم سی ایچ بھیج دیا گیا۔ متوفی کی گردن پر گول سیاہ نشان پایا گیا ہے۔ موت کی اصل وجہ پوسٹ مارٹم رپورٹ آنے کے بعد ہی معلوم ہو سکے گی۔لڑکی کا خاندان آسام کے گوہاٹی میں رہتا ہے۔ پولیس نے لڑکی کو اپنی تحویل میں لے لیا ہے۔پولیس نے لڑکی کے گھر والوں کو بھی گوہاٹی میں بلایا ہے اور انہیں مطلع کیا ہے۔ لڑکی نے خود کو بے قصور بتایا ہے۔