نئی دہلی24اپریل:(اردودنیا.اِن/ایجنسیاں)وزیر اعظم نریندر مودی نے اتوار کو کہا کہ ملک میں روزانہ تقریباً 20,000 کروڑ روپے کے ڈیجیٹل لین دین ہو رہے ہیں اور اس سے ملک میں ایک ڈیجیٹل معیشت بن رہی ہے۔ انہوں نے کہاہے کہ اس سے سہولیات میں اضافے کے ساتھ ساتھ ملک میں ایمانداری کی فضا بھی پیدا ہو رہی ہے۔
اے آئی آر کے ماہانہ ریڈیوپروگرام من کی بات کے 88ویں ایڈیشن میں اپنے خیالات کا اظہار کرتے ہوئے وزیر اعظم نے کہاہے کہ اب سڑکوں اور گلیوں کی چھوٹی دکانوں کو بھی ڈیجیٹل لین دین اور زیادہ سے زیادہ گاہک مل رہے ہیں۔ خدمات فراہم کرنا آسان ہو گیا ہے۔انہوں نے کیش لیس ڈے آؤٹ کے عزم پر دہلی کی دو بہنوں ساگاریکا اور پریکشا کا تجربہ شیئر کیا اور ہم وطنوں سے اس پر عمل کرنے کی اپیل کی ہے۔
انھوں نے کہاہے کہ گھر سے اس قرار داد کے ساتھ نکلیں کہ دن بھر شہر کا چکر لگائیں گے اور ایک پیسہ بھی نقدی کا لین دین نہیں کریں گے۔وزیر اعظم نے کہا کہ ڈیجیٹل لین دین اب دہلی یا بڑی میٹروسیٹی تک محدود نہیں ہے، بلکہ دور درازکے دیہاتوں تک پھیل گیا ہے۔
غازی آباد کی آنندیتا ترپاٹھی کے تجربے کا اشتراک کرتے ہوئے، انہوں نے کہاہے کہ یو پی آئی لین دین کی سہولت ان جگہوں پر بھی دستیاب ہے جہاں چند سال پہلے تک انٹرنیٹ کی اچھی سہولت نہیں تھی۔ اب چھوٹے شہروں اور زیادہ تر دیہاتوں میں بھی لوگ یوپی آئی کے ذریعے ہی لین دین کر رہے ہیں۔
وزیر اعظم نے کہا کہ اس وقت ملک میں روزانہ 20,000 کروڑ روپے کے ڈیجیٹل لین دین ہو رہے ہیں۔انہوں نے کہاہے کہ گزشتہ مارچ کے مہینے میں، UPI لین دین تقریباً 10 لاکھ کروڑ روپے تک پہنچ گیا۔
جس کی وجہ سے ملک میں سہولت بھی بڑھ رہی ہے اور ایمانداری کا ماحول بھی بن رہا ہے۔انہوں نے کہا کہ اب ملک میں فن ٹیک سے متعلق بہت سے نئے اسٹارٹ اپ بھی آگے بڑھ رہے ہیں۔انہوں نے ہم وطنوں پر زور دیا کہ وہ ڈیجیٹل لین دین اور اسٹارٹ اپس کی اس طاقت سے متعلق تجربات کو شیئر کریں تاکہ وہ دوسروں کے لیے تحریک بن سکیں۔
مودی نے وزیر اعظم میوزیم کے حالیہ افتتاح کا ذکر کیا اور کہا کہ تاریخ میں لوگوں کی دلچسپی بہت بڑھ رہی ہے اور وزیر اعظم میوزیم نوجوانوں کے لیے بھی توجہ کا مرکز بن رہا ہے۔انہوں نے کہا کہ یہ میوزیم نوجوانوں کو ملک کے انمول ورثے سے جوڑ رہا ہے۔
وزیر اعظم نے کہاہے کہ ہندوستان کی آزادی کی 75ویں سالگرہ پر منایا جا رہا امرت مہوتسو اب ایک عوامی تحریک کی شکل اختیار کر رہا ہے اور اس کی وجہ سے نوجوانوں میں ملک کی تاریخ جاننے کی دلچسپی بڑھ رہی ہے۔
مودی نے کہا کہ ملک کی تاریخ اور ملک کے وزرائے اعظم کے تعاون کو یاد کرنے کے لیے آزادی کے امرت مہوتسو سے بہتر وقت کیا ہو سکتا ہے۔انہوں نے کہا کہ یہ ملک کے لیے فخر کی بات ہے کہ آزادی کا امرت مہوتسو ایک عوامی تحریک کی شکل اختیار کر رہا ہے۔
تاریخ میں لوگوں کی دلچسپی بہت بڑھ رہی ہے اور ایسے میں پرائم منسٹر میوزیم بھی نوجوانوں کی توجہ کا مرکز بن رہا ہے جو انہیں ملک کے انمول ورثے سے جوڑ رہا ہے۔انہوں نے کہا کہ ملک میں موجود عجائب گھروں کی اہمیت کے پیش نظر اب لوگ آگے آ رہے ہیں اور اس کے لیے عطیات بھی دے رہے ہیں۔
انھوں نے کہاہے کہ بہت سے لوگ اپنی پرانی اور تاریخی چیزیں بھی عجائب گھروں کو عطیہ کر رہے ہیں۔ جب لوگ ایسا کرتے ہیں، ایک طرح سے، وہ پورے معاشرے کے ساتھ ثقافتی سرمایہ بانٹتے ہیں۔
ہندوستان میں بھی لوگ اب اس کے لیے آگے آرہے ہیں۔ایسی تمام کوششوں کو سراہتے ہوئے وزیر اعظم نے کہا کہ آج بدلتے وقت کے مطابق عجائب گھروں میں نئے طریقے اپنانے پر زور دیا جا رہا ہے اور ان کی ڈیجیٹلائزیشن پر بھی توجہ دی گئی ہے۔
انہوں نے نوجوانوں سے بھی کہا کہ وہ اپنے تجربات سے آگاہ کریں تاکہ دوسروں کے ذہنوں میں عجائب گھروں کے بارے میں تجسس پیدا ہو اور وہ ان کے بارے میں جاننے اور سمجھنے کے لیے منصوبے بھی بنائیں۔
