کویت سٹی :(اردودنیا.اِن/ایجنسیاں) کویتی وزارت داخلہ نے ایک ایسے شخص کو گرفتار کیا جو ایک ویڈیو کلپ میں ایک صارف ایسوسی ایشن میں ایک بزرگ شخص پر تشدد کرتے ہوئے دیکھا گیا۔”ٹویٹر” پر گردش کرنے والے ایک ویڈیو کلپ میں اس لمحے کو دستاویز کیا گیا ہے جب ایک شخص نے رمضان میں ریاست کویت میں ایک دکان کے قریب دن کے وقت ایک "بزرگ” پر حملہ کیا۔
ویڈیو میں دیکھا جا سکتا ہے کہ بزرگ شخص ایک کمرشل سٹور کے قریب کھڑ ہے تاہم اس نے ایسا کچھ نہیں کیا جس سے اسٹور کا مالک برہم ہوسکتا ہو۔تاہم کوئی شخص دکان سے باہر آیا اور بوڑھے کو دھکے دینا شروع کر دیے اور اسے جوتے اور گوترا (Ghutra) جیسی کسی چیز سے مارنا شروع کر دیا۔
في الكويت شخص حقير يعتدي على كبير بالسن بالضرب في نهار رمضان
الله يكسر يده غبني pic.twitter.com/scHZ1Iwoa7
— خالد القاضي (@khalled770) April 12, 2022
ایک بار مار پیٹ کے بعد وہ شخص دوبارہ واپس آیا اور بزرگ کو دھکے دے کر سڑک پر لے گیا۔اس کلپ میں جگہ جگہ ایک دوسرے شخص کو دیکھا گیا لیکن اس نے ایک انگلی بھی نہیں ہلائی اور نہ ہی بزرگ کا دفاع کرنے کی کوشش کی۔ویڈیو کلپ پر سوشل میڈیا پر سخت غم وغصے کا اظہار کیا اور ملزم کی فوری گرفتاری کا مطالبہ کیا گیا۔
ایسا لگتا ہے کہ یہ پہلی بار نہیں ہے کہ اس شخص نے بوڑھے شخص کو مارا ہو، ایک ٹویٹر صارف نے ایک مختلف کلپ شائع کیا جس میں بوڑھے شخص کو اسٹور کے اندر بیٹھے دکھایا گیا ہے۔ وہ شخص آتا ہے اور اس کے منہ پر تھپڑ مارتا ہے اور اسے اسٹور سے باہر دھکیل دیتا ہے۔
وهنا من داخل البقاله ايضاً اعتدى عليه pic.twitter.com/yuOlojNmT6
— خالد القاضي (@khalled770) April 12, 2022
وزارت داخلہ نے کہا کہ اس نے اس شخص کو گرفتار کر لیا ہے اور اس کے خلاف قانونی کارروائی کی جا رہی ہے۔
