طالبات کو فحش ویڈیوز دکھانے کا الزام، ٹیچر کا تبادلہ،متأثرین میں ناراضگی

کولہا پور ، 5فروری :(اردودنیا.اِن/ایجنسیز)مہاراشٹر کے کولہاپور میں گرو اور چیلے کے رشتے کو شرمسار کرنے کا معاملہ سامنے آیا ہے۔ الزام ہے کہ کولہاپور میں ایک ٹیچر کو نویں اور دسویں جماعت کی طالبات کو فحش ویڈیو دکھاتے ہوئے پکڑا گیا تھا۔مہاراشٹر انتظامیہ نے سزا کے طور پر اس ٹیچر کا فوری طور پر دوسرے اسکول میں تبادلہ کر دیا ہے۔ واقعہ کولہاپور کے ودیالنکر شیلواڑی اسکول کا ہے۔ طالبات کا الزام ہے کہ ٹیچر گزشتہ دو سالوں سے لڑکیوں کو فحش ویڈیوز دکھا رہا تھا۔ کئی نے تو یہ بھی الزام لگایا کہ وہ کلاس کے دوران ان کے کندھوں اور جیبوں میں ہاتھ ڈالتا تھا۔وزیر تعلیم دیپک وسنت کیسر کرنے واقعے کا نوٹس لیتے ہوئے کہا ہے کہ ملزم ٹیچر کیخلاف مناسب کارروائی کی جائے گی۔ ملزم ٹیچر وی پی بانگڑی کو ستارہ کے ایک اسکول میں منتقل کر دیا گیا ہے۔

طالبات کا الزام ہے کہ ملزم ٹیچر گزشتہ دو سالوں سے لڑکیوں کو فحش ویڈیوز دکھا رہا تھا۔

کچھ لوگوں نے یہ بھی الزام لگایا کہ وہ کلاس کے دوران ان کے ساتھ چھیڑ چھاڑ بھی کرتا تھا۔طلبا کی شکایت کے بعد پرنسپل نے اس کی اطلاع محکمہ تعلیم کے اعلیٰ حکام کو دی۔ تاہم، طالبات اور ان کے والدین نے استاد کیخلاف سخت کارروائی نہ کرنے پر اسکول انتظامیہ کو تنقید کا نشانہ بنایا۔ اس معاملے کو لے کر والدین میں بھی کافی ناراضگی پائی جاتی ہے۔