چنئی :(اردودنیا.اِن/ایجنسیاں)مدراس ہائی کورٹ کی مدورائی بنچ نے کہا ہے کہ گروپ کا ایڈمن واٹس ایپ WhatsApp گروپس میں پوسٹ کیے گئے ہر پیغام کے لیے ذمہ دار نہیں ہے۔ جج جسٹس جی آر سوامی ناتھن نے بمبئی ہائی کورٹ کے کشور بمقابلہ ریاست مہاراشٹر کیس کا حوالہ دیا۔
اس فیصلے میں کہا گیا کہ اگر اس نے ایڈمن ہونے کے علاوہ گروپ کے ممبران کی جانب سے کیے گئے جرم میں کوئی کردار ادا نہیں کیا تو وہاٹس ایپ گروپ ایڈمن کو ملزمان کی فہرست سے نکال دیا جائے۔
تاہم عدالت نے یہ بھی کہا کہ اگر یہ ثابت ہو گیا کہ گروپ ایڈمنسٹریٹر بھی کسی جرم میں ملوث ہے تو اس کے خلاف مقدمہ چلایا جائے گا۔ یہ حکم گروپ ایڈمن کے خلاف درج ایف آئی آر کو منسوخ کرنے کی درخواست پر دیا گیا ہے۔ اس معاملے میں ایک ممبر کی طرف سے قابل اعتراض پیغامات بھیجے گئے جس سے کمیونٹیز کے درمیان دشمنی پیدا ہو سکتی ہے۔
درخواست میں دعویٰ کیا گیا کہ درخواست گزار صرف واٹس ایپ گروپ کا ایڈمن تھا اور اسے گروپ کے ممبران کی جانب سے بھیجے گئے پیغامات کا ذمہ دار نہیں ٹھہرایا جا سکتا۔
