نئی دہلی،07؍مئی :(اردودنیا.اِن/ایجنسیاں)ملک کے عام لوگ پہلے ہی مہنگائی کی مار جھیل ر ہے ہیں۔ اسی دوران عوام کے لیے ایک اور بری خبر آنے والی ہے۔ دراصل آج سے ملک بھر میں 14.2 کلو گھریلو ایل پی جی سلنڈر کی قیمت میں 50 روپئے کا اضافہ ہوا ہے۔ اس کا مطلب ہے کہ آج سے ہی لوگوں کو گھریلو سلنڈر خریدنے کے لیے پہلے سے زیادہ پیسے دینے ہوںگی۔ اب راجدھانی دہلی میں 14.2 کلو گھریلو ایل پی جی سلنڈر کی قیمت 999.50 روپئے فی سلنڈر ہو گئی ہے۔اس سے قبل 22 مارچ کو گھریلو ایل پی جی کی قیمت میں 50 روپئے کا اضافہ کیا گیا تھا۔ تاہم اپریل کے مہینے میں اس سلنڈر کی قیمت میں کوئی اضافہ نہیں کیا گیا۔ ایک بار پھر ایل پی جی کی قیمتوں میں اضافے سے عوام کی مشکلات میں اضافہ یقینی ہے۔
گیس سلنڈر کی قیمتوں میں اضافے سے عوام کی جیبیں خالی ہو رہی ہیں۔ کیونکہ عوام پہلے ہی پٹرول اور ڈیزل کی بڑھتی قیمتوں سے پریشان ہیں۔ایسی صورت میں گیس سلنڈر کی قیمتوں میں اضافہ یقینی طور پر عوام کے لیے مشکلات کا باعث ہوگا۔ رواں ماہ کے آغاز میں ایل پی جی (ایل پی جی پرائس سلنڈر کی قیمت میں اضافہ) کی قیمتوں میں اضافہ کیا گیا۔ نئے ریٹ کے مطابق 19 کلو کے کمرشل سلنڈر کی قیمت 2253 روپئے سے بڑھ کر 2355.50 روپئے ہو گئی ہے۔ نیزپانچ کلو کا ایل پی جی سلنڈر 655 روپئے کا ہوگیا۔
ملک میں اشیائے خوردونوش کی قیمتوں میں اضافے کا سلسلہ بھی جاری ہے اور مہنگائی کے ستائے عوام کے لیے ریلیف کے کوئی آثار نظر نہیں آتے۔ آخری بار گھریلو گیس سلنڈر کی قیمت میں 22 مارچ 2022 کو 50 روپئے کا اضافہ کیا گیا تھا، جس کے بعد دہلی میں گیس سلنڈر کی قیمت 949.50 روپئے تک پہنچ گئی تھی۔
