ممبئی:(اردودنیا.اِن/ایجنسیاں)بالی ووڈ میں کھلاڑی کمار یعنی اکشے کمار Akshay Kumar کا نام ان چنندہ اداکاروں میں شمار کیا جاتا ہے جنہوں نے تقریباً 25 برسوں سے اپنی دمدار اداکاری سے ناظرین کے دلوں میں ایک خاص مقام بنالیا ہے۔اکشے کمارکا حقیقی نام راجیو بھاٹیہ Rajiv Hari Om Bhatia ہے ان کی پیدائش 9 ستمبر 1967 کو پنجاب کے امرتسر میں ایک متوسط گھرانے میں ہوئی تھی۔ اکشے کا بچپن دہلی میں گذرا۔
پڑھائی مکمل کرنے کے بعد اکشے بینکاک چلے گئے اور وہاں شیف کا کام کرنے لگے۔ اس دوران وہ وہاں مارشل آرٹ سیکھتے رہے۔بینکاک سے لوٹنے کے بعد اکشے کمار ممبئی آگئے اور مارشل آرٹ ٹرینر کا کام کرنے لگے۔ اسی دوران اکشے کی ملاقات فلم ہدایت کار پرمود چکرورتی سے ہوئی ۔ انہوں نے فلم دیدار میں کام کرنے کی پیش کش کی۔ حالانکہ اس سے پہلے ان کی فلم سوگندھ ریلیز ہوگئی تھی۔
دریں اثنا عباس مستان کی نظر اکشے کمار پر پڑی۔ انہوں نے اپنی فلم کھلاڑی جو 1992 میں ریلیز ہوئی تھی، کام کرنے کا موقع دیا۔ سسپنس اور رومانس سے بھرپور یہ فلم باکس آف پر ہٹ ثابت ہوئی۔ اس فلم کے بعد اکشے نے فلم انڈسٹری میں اپنے قدم جمانے شروع کردیئے۔اس فلم کے بعد اکشے کمار کی کھلاڑی نام سے کئی فلمیں ریلیز ہوئیں اور وہ فلم انڈسٹری میں کھلاڑی کمار کے نام سے مشہور ہوگئے۔
سال 1994 اکشے کمار کے کیرئیر کے لئے بہت اہم ثابت ہوا ان کی کئی فلمیں ہٹ رہیں۔ 1997 میں فلم دل تو پاگل ہے سپر ہٹ ثابت ہوئی۔ 2002 میں فلم ہیرا پھیر ی اکشے کمار کی سپر ہٹ اور اہم فلم تھی۔ سال 2007 میں اکشے کمار کی ایک اور سپرہٹ فلم نمستے لندن آئی۔ اس کے بعد 2008 میں سنگھ از کنگ بھی کامیابی کی بلندیوں پر پہنچ گئی۔ اس فلم میں اکشے نے ایک مزاحیہ سردار کا کردارادا کیا تھا ۔ یہ فلم 2008 کی سب سے کامیاب فلم شمار کی گئی۔
اکشے کی جوڑی سنیل شیٹی کے ساتھ بہت پسند کی گئی۔ وہیں ہیروئنوں میں اکشے کےساتھ روینہ ٹنڈن اور کترینہ کیف کی جوڑی کو بہت پسند کیا گیا۔اکشے نے اپنے 25 سالہ فلمی کیرئیر میں تقریباً 100 فلموں میں کام کیا۔سال 2017 میں اکشے کمار نے کامیابی کی بلندیوں کو چھوا۔
اس سال ان کی جانی ایل ایل بی-2 اور ٹائلیٹ ایک پریم کتھا ریلیز ہوئی جس نے باکس آفس پر 100 کروڑ سے زیادہ کی کمائی کی۔ اس کے علاوہ اکشے کمار کی ایک فلم ‘لکشمی’ ریلیز ہوئی تھی جو نمایاں بزنس کرنے میں کامیاب رہی۔اکشے کی قابل ذکر فلموں میں پیڈمین، گولڈ، بیل باٹم، سوریہ ونشی، مغل وغیرہ شامل ہیں۔
