تمام بین الاقوامی مسافروں کو ہندوستان پہنچنے پر 7 دنوں تک تنہائی(Quarantine) میں رہنا ہو گا
نئی دہلی،7جنوری:(اردودنیا.اِن/ایجنسیاں)ہندوستان نے تمام بین الاقوامی مسافروں کیلئے لازمی قرار دیا ہے کہ وہ سات دن تک گھر میں الگ تھلگ (Home Quarantine) رہیں اور آمد کے آٹھویں دن آرٹی-پی سی آر ٹیسٹ کرائیں۔ اس سلسلے میں نظر ثانی شدہ ہدایات جاری کر دی گئی ہیں۔
جمعہ کو جاری کردہ رہنما خطوط 11 جنوری سے نافذ العمل ہوں گے اور حکومت کے مزید احکامات تک نافذ العمل رہیں گے۔کورونا وائرس کی اومیکرون شکل کا پتہ چلنے کے بعد عالمی سطح پر کووڈ کے معاملات میں اضافے کے پیش نظر ایک نیا حکم نامہ جاری کیا گیا ہے۔اس سے قبل خطرے والے ممالک کے طور پر درج ممالک سے آنے والے مسافروں کو پہنچنے پر ہوائی اڈے پر ایک کووڈ19 ٹیسٹ کرانا پڑتا تھا اور منزل تک اگلی پرواز سے باہر نکلنے یا سوار ہونے سے پہلے وہاں اپنے ٹیسٹ کے نتائج کا انتظار کرنا پڑتا تھا۔
ٹیسٹ رپورٹ منفی آنے پر اسے سات دن گھر پر رہنا پڑا اور آٹھویں دن آرٹی-پی سی آر ٹیسٹ کرانا پڑا۔
