امریکی شہری کی سعودی کرایہ دار طالب علم سے بدسلوکی، ویڈیو وائرل-

ٹیکساس؍ریاض،27دسمبر:(اردودنیا.اِن/ایجنسیز)امریکہ میں ٹیکساس کے علاقے ڈینٹن میں امریکی شہری نے سعودی طالب علم سے بدسلوکی کا مظاہرہ کیا جس کی ویڈیو ٹویٹر پر گردش کرنے کے بعد سعودیوں میں غم و غصہ کی لہر دوڑ گئی ہے۔ سعودی طالبعلم نے امریکی مالک مکان سے تین ماہ کیلئے کمرہ کرائے پر لیا تھا۔ بد اخلاقی اور لالچی امریکی نے سعودی طالب علم کو نہ صرف تنگ کیا بلکہ اس پر پستول بھی تان لی۔اس خبر کا احاطہ صرف ایک امریکی اخبار نے کیا اور اس کی تفصیلات واضح نہیں کی گئیں ۔مقامی اخبار ’’Denton Record-Chronicle‘‘ کے سوا اس معاملہ کا کسی اخبار میں تذکرہ نہیں کیا گیا۔ شہر میں سعودی طلبا کے لیے سعودی ان ڈینٹن ویب سائٹ سے معاملہ کی وضاحت ہوتی ہے۔ اس حوالے سے تین ٹویٹس کئے گئے ہیں، ایک ٹویٹ میں سعودی طالبعلم کی تصویر شائع کی گئی اور بتایا گیا کہ یہ 28 سال کا aسٹوڈنٹ جدہ میں پیدا ہوا تھا۔

ایک ٹویٹ میں متاثرہ نوجوان نے خود کو سعودیہ کا بتایا اور ویڈیو بھی شیئر کی گئی۔ ویڈیو میں دیکھا جا سکتا ہے کہ مالک مکان اور اسٹوڈنٹ کے درمیان کچن کے استعمال پر جھگڑا ہے۔مالک مکان نے سعودی اسٹوڈنٹ سے اضافی رقم مانگی تاکہ اسے باورچی خانہ استعمال کرنے کی اجازت دی جا سکے۔ طالب علم نے انکارکیا تو مالک مکان نے کرایہ واپس کئے بغیر سعودی طالب علم کو کمرے سے نکال دیا۔ مالک مکان کے پاس طالبعلم کو بے دخل کرنے کا کوئی اختیار نہیں تھا کیونکہ دونوں کے درمیان تین ماہ کا معاہدہ ہوچکا تھا۔قواعد و ضوابط کے مطابق تین ماہ تک سعودی طالب علم کو کسی صورت کمرے سے نہیں نکالا جا سکتا تھا۔میلانو نے ایک دوسری ٹویٹ لکھی، جس میں اس نے کہا کہ مالک نے طالب علم کو ڈرانے کے لیے دھمکی آمیز طریقے استعمال کیے۔

Video with sound, my bad!! pic.twitter.com/rIp45Xxpgd

— Moo the Cat (@TallLeftist) September 22, 2022

ان طریقوں میں ہتھیاروں سے دہشت زدہ کرنے کے جرم کا بھی ارتکاب کیا گیا ہے۔وائرل ویڈیو میں دیکھا جا سکتا ہے کہ جائیداد کے مالک کے ہاتھ میں بندوق تھی جب وہ طالب علم کے کمرے کی طرف جانے والی سیڑھیاں چڑھتا تھا۔ اس کے ساتھ اس کی تصویر لینے کے لیے اپنا موبائل فون لے کر باہر نکلا تو اس نے اس سے پوچھا کہ کیا وہ جانتا ہے کہ اس کے ہاتھ میں کیا ہے، یعنی بندوق۔ اس نے جواب دیا کہ ’کیا تم مجھے اس سے دھمکی دیتے ہو، اگر میں کچن میں گیا تو کیا تم مجھے گولی مار دو گے؟ چند سیکنڈ کی خاموشی کے بعد مالک مکان نے جواب دیا کہ ہم دیکھیں گے کہ میں کیا کروں گا، میں نے آپ کو گولی مارنے کی دھمکی نہیں دی تھی۔ آپ جانتے ہیں کہ میں کیا کرنے جا رہا ہوں۔ پولیس نے ویڈیو وائرل ہونے کے بعد جائیداد کے مالک کو گرفتار کر لیا،تاہم ملزم کو ضمانت پر رہا کر دیاگیا ہے۔