نئی دہلی ، ۲؍ مئی:(اردودنیا.اِن/ایجنسیاں) دنیا میں ایسی گھناؤنی حرکتیں کرنے والے سفاک درندوں کے بارے میں تصور بھی نہیں کیا جا سکتا۔ آندھرا پردیش کے اس واقعہ میں تین بدمعاشوں نے اسٹیشن پر اپنے اہل خانہ کے ساتھ ٹرین کا انتظار کر رہی حاملہ خاتون کو اغوا کرکے کچھ فاصلے پر خاندان کے سامنے عصمت دری جیسی گھناؤنی حرکت کی۔
اس سے بھی بڑی ستم ظریفی یہ ہے کہ جب خاتون کے شوہر نے ریلوے پولیس کو اطلاع دی تو وہاں کوئی نہیں ملا۔ خبر کے مطابق یہ واقعہ آندھرا پردیش کے باپٹیلہ ضلع کا ہے۔ شوہر، بیوی اور تین بچوں کا خاندان گنٹور سے کرشنا ضلع جا رہا تھا۔ آدھی رات کو یہ لوگ ٹرین کا انتظار کر رہے تھے کہ تین مجرم آئے اور حاملہ خاتون کو اغوا کرنے کی کوشش کی۔ شوہر کے احتجاج کرنے پربدمعاشوں نے اسے نیم مردہ کر دیا۔ پھر اسٹیشن سے کچھ فاصلے پر خاتون کے ساتھ اجتماعی عصمت دری کی۔
یہ واقعہ ہفتہ کی نصف شب اور اتوار کی صبح پیش آیا۔ شوہر نے ریلوے پولیس سے مدد کی اپیل کی لیکن پولیس نے مدد نہیں کی۔ خاتون ہسپتال میں زیر علاج ہے۔ تینوں مجرموں کو گرفتار کر لیا گیا۔ ان میں سے ایک نابالغ مجرم بھی ہے۔واقعہ کی ہفتہ کی رات یہ خاندان اسٹیشن کے بنچ پر سو رہا تھا۔
اچانک تین بدمعاش آئے اور انہیں جگا دیا۔ تینوں نشے میں تھے۔ اچانک تینوں نے اس کے شوہر پر حملہ کر دیا۔ بیوی اسے بچانے آئی تو اسے گھسیٹ کر وہاں سے لے گیا۔ شوہر ریلوے پولیس سے منتیں کرتا رہا لیکن کوئی سننے والا نہیں تھا۔ کیونکہ تھانے میں ایک بھی پولیس اہلکار موجود نہیں تھا۔
بعد ازاں خاتون ایک جھاڑی میں بے ہوش پائی گئی۔ اسے ہسپتال لے جایا گیا۔ یہ واقعہ ایک ایسے وقت میں سامنے آیا ہے جب ریاستی حکومت آندھرا پردیش میں خواتین کی حفاظت کو یقینی بنانے کا منصوبہ بنا رہی ہے۔
