بطور وکیل ہمیں امتیازی سلوک اور ناانصافی کیخلاف کھڑا ہونا ہوگا :چیف جسٹس

بنگلور، 26اگست:(اردودنیانیوز.کام/ایجنسیز) چیف جسٹس ڈاکٹر ڈی وائی نے کہا کہ بطور وکیل ہمیں امتیازی سلوک اور ناانصافی کے خلاف کھڑے ہونے کو یقینی بنانا چاہیے۔بنگلورو میں نیشنل لاء اسکول آف انڈیا یونیورسٹی کے 31 ویں سالانہ کانووکیشن سے خطاب کرتے ہوئے،چیف جسٹس نے وضاحت کی کہ انہیں بتایا گیا تھا کہ ایک نوجوان قانون کا طالب علم جو لاء کے دفتر میں انٹرن کرنے گیا تھا،اس سے پوچھا گیا کہ اس کی ذات کیا ہے؟ اس نے بتایا تو اسے دفتر نہ آنے کو کہا گیا۔ اس بات نے مجھے مایوسی سے بھر دیا۔بطور وکلاء، ہمیں امتیازی سلوک اور ناانصافی کیخلاف کھڑے ہونے کو یقینی بنانا چاہیے۔ ہمیں آئینی اقدار کی پاسداری کو یقینی بنانا ہے۔ جب کہ کچھ وکلاء آئینی اقدار کو برقرار رکھنے کے بجائے قانون کی خلاف ورزی کر رہے ہیں۔سپریم کورٹ اس وقت بنیادی آئینی مسائل میں مصروف ہے۔ ہم نے صنفی دقیانوسی تصورات پر ایک ہینڈ بک جاری کی ہے۔انہوں نے کہا کہ ہندوستان کی پہلی خاتون وکیل کارنیلیا سوراب جی کو عدالت میں عرضیاں پیش کرنے کی اجازت نہیں تھی جب تک کہ کوئی مرد وکیل ان کے ساتھ نہ ہو۔ یہ کہانیاں وہ نہیں ہیں جنہیں ہم اپنی تاریخ کی کتابوں میں چھوڑ سکتے ہیں۔ انہوں نے اشارہ کیا کہ بہت کچھ کرنے کی ضرورت ہے۔

چیف جسٹس چندرچوڑ نے وضاحت کی کہ پچھلے سال پانچ میں سے 4 لاء کلرک خواتین تھیں۔ ان کا مجھے عام طور پر آتا کہ جناب مجھے ماہواری میں درد ہورہا ہے۔ میں ان سے کہتا ہوں کہ براہ کرم گھر سے کام کریں اور اپنی صحت کا خیال رکھیں۔ ہم نے آپ کو سپریم کورٹ میں خواتین کے واش رومز میں سینیٹری نیپکن ڈسپنسر کے بارے میں بھی آگاہ کیا۔چیف جسٹس نے کہا کہ اگر ایک اچھا انسان اور اچھا وکیل ہونا کہیں ٹکراتا ہے تو میں آپ سے ایک اچھا انسان بننے کی تاکید کرتا ہوں۔ انہوں نے مزید کہا کہ وکالت کا پیشہ دھیرے دھیرے زیادہ سے زیادہ خواتین وکلاء کے داخلے کے لیے ایک ابتدائی نقطہ بنتا جا رہا ہے۔ چیف جسٹس نے کہا کہ زندگی کے اس سفر میں اس سیڑھی کو کبھی لات نہ مارو جو آپ کو اوپر لے گئی ہے۔