اندور24اگست:(اردودنیا.اِن/ایجنسیاں)مدھیہ پردیش کے #اندور شہر میں لوگوں کے گروہ کی طرف سے 25 سالہ #چوڑی بیچنے والے کی پٹائی کے معاملے میں پولیس نے چار ملزمان کوگرفتارکیاہے۔ پولیس نے اس کی اطلاع دی۔ بنگناپولیس اسٹیشن کے انچارج راجندر سونی نے منگل کے روز بتایا کہ راکیش پنور (38) ، وکاس مالویہ (27) ، راج کمار بھٹناگر (37) اور وویک ویاس اس گروہ میں شامل ہیں جنہوں نے گووند میں چوڑی بیچنے والے تسلیم علی (25) کو مارا۔ اتوار کی سہ پہر کو نگر (35) کو گرفتار کر لیا گیا ہے۔
انہوں نے بتایاہے کہ ویڈیوکی بنیاد پر لوگوں کے اس گروہ میں شامل دیگر افراد کی تلاش کی جا رہی ہے۔ عینی شاہدین کے مطابق ، ترنگا اور بھگوا جھنڈے لہراتے ہوئے ، مظاہرین نے بھارت ماتاکی جئے ،ہندوستان میں رہناہوگا ، وندے ماترم کہنا ہوگا،جے جے سیارام اورپاکستان مردہ آباد جیسے نعرے بلند کیے۔
#مظاہرین میں خواتین بھی شامل تھیں۔ مظاہرین کی جانب سے پولیس کو جمع کرائے گئے #میمورنڈم میں یہ الزام لگایا گیا کہ شہر میں ملک دشمن اور کمیونٹی مخالف واقعات مسلسل منظر عام پر آرہے ہیں اورپولیس انتظامیہ کی جانب سے بار بار ان کی طرف توجہ دلانے کے باوجود ، ایک کے دباؤ میں ٹھوس ایکشن نہیں لیا جا رہا۔
