پاکستانی پرچم کی ویڈیو پوسٹ کرنے والا نوجوان گرفتار، بریلی پولیس نے سکھایا حب الوطنی کا سبق
نوجوان نے پاکستان کی حمایت میں پوسٹ لگائی،
بریلی، 14 مئی۔:(اردودنیا.اِن/ایجنسیز)اتر پردیش کے ضلع بریلی میں حب الوطنی کے تقاضے نبھاتے ہوئے پولیس نے ایک نوجوان کو پاکستانی پرچم اور پاک فوج کی ویڈیوز سوشل میڈیا پر پوسٹ کرنے پر گرفتار کر لیا ہے۔ معاملہ فرید پور تھانہ علاقہ کے مہتر پور تیجا سنگھ گاؤں کا ہے، جہاں فخرالدین عرف ڈمپی نامی نوجوان نے اپنی فیس بک آئی ڈی سے ایک ویڈیو پوسٹ کی جس میں پاکستانی پرچم اور پاک فوج کی تعریف کی گئی تھی۔
فخرالدین نے پاکستانی پرچم لہراتے نوجوان کی ویڈیو، اور پاک فوج کے اہلکاروں کو گانے گاتے اور رقص کرتے ہوئے دکھانے والی ویڈیو کو اپنی فیس بک آئی ڈی پر شیئر کیا۔ اس حرکت کو دیکھتے ہوئے مقامی شخص اور گائے کے محافظ ستیم گوڑ نے فخرالدین کے خلاف شکایت درج کرائی اور پولیس کو سوشل میڈیا پوسٹ کے اسکرین شاٹس بھی فراہم کیے۔
بریلی پولیس نے فوری کارروائی کرتے ہوئے فخرالدین کے خلاف جرم نمبر 351/25 کے تحت فرید پور تھانے میں ایف آئی آر درج کی۔ ایس پی ساؤتھ بریلی، انشیکا ورما کے مطابق، یہ پوسٹس 12 مئی 2025 کو کی گئیں، جنہیں سوشل میڈیا سیل نے نوٹس لیا۔ پولیس نے فخرالدین کو گرفتار کر کے عدالت میں پیش کیا اور بعد ازاں جیل بھیج دیا۔
پولیس کا کہنا ہے کہ یہ عمل نہ صرف ملک کی خودمختاری اور سالمیت کے خلاف تھا بلکہ فرقہ وارانہ ہم آہنگی کو نقصان پہنچانے کے مترادف ہے۔ شکایت میں دعویٰ کیا گیا ہے کہ اس پوسٹ کا مقصد دیگر برادریوں کو اکسانا اور نفرت پھیلانا تھا۔
فخرالدین کا ایک ویڈیو بھی سوشل میڈیا پر وائرل ہو رہا ہے جس میں وہ ‘ڈاؤن ود پاکستان’، ‘بھارت ماتا کی جئے’ اور ‘ہندوستان زندہ باد’ کے نعرے لگا رہا ہے، جو پولیس کی جانب سے حب الوطنی سکھانے کے اقدام کا حصہ بتایا جا رہا ہے۔
ایریا آفیسر سندیپ سنگھ کے مطابق، پولیس مزید قانونی کارروائی کر رہی ہے اور ایسے افراد پر کڑی نظر رکھی جا رہی ہے جو سوشل میڈیا کا غلط استعمال کر کے امن و امان میں خلل ڈالنے کی کوشش کرتے ہیں۔
यूपी के बरेली में पागल साजिद ने
फेसबुक पर लिखा "पाकिस्तान जिंदाबाद”
अब थाने में कह रहा है "पाकिस्तान मुर्दाबाद”
ऐसे लोगों को चिन्हित करिए
पढ़ाइए लिखाइए जाहिलों वाली
हरकत करोगे तो मुल्क का कानून
सबक सिखाएगा ये देशद्रोह है देश
से गद्दारी किसी भी सूरत में बर्दास्त
नहीं है !! pic.twitter.com/sfwd9AYVNJ— Wasiuddin Siddiqui Official (@WDSiddiqui2011) May 12, 2025
Fakhruddin from Bareilly thought he could post Pakistani flag video online
but the Bareilly Police had a different plan for him.😹😹 pic.twitter.com/jJFVYHPpcB— Saffron Chargers (@SaffronChargers) May 14, 2025
